Асосий мавзулар
9 апрел 2019

Учкўприкда президент келишига ҳашар ўтказилди

Фарғона вилоятининг Учкўприк туманидаги барча ташкилот ва корхона ходимлари 5 апрель куни президентнинг Фарғона вилоятига ташрифи кутилаётгани боис оммавий ҳашарга жалб этилди.

“Президент Қўқон эркин иқтисодий зонаси ҳудудида барпо этилган “Шаффоф метан” корхонасига келар эмиш, шунинг учун ҳозир биз ҳам ўша ерга, тозаловга кетяпмиз”, деди исми сир қолишини истаган суҳбатдошлардан бири.

Унинг “Элтуз”га билдиришича, улардан ташқари Бешариқ, Ўзбекистон, Бағдод, Олтиариқ, Риштон, Фурқат туманларидан ҳам 800 нафар киши келиб, президент келишига тайёргарлик кўришаркан.

Эслатиб ўтамиз, ўтган йилнинг ноябрь ойида ҳам Учкўприкда “президент ташрифига” катта тайёргарлик кўрилган, тумандаги 18-мактаб, 19-МТМ, “Меҳригиё” ишлаб чиқариш корхонаси ҳам тумандаги бошқа мактаб-боғчаларнинг ходимлари томонидан кўрикка тайёрланган эди.

“Ҳақиқатдан ҳам, 19-боғчада бир ой тайёргарлик кўрилган эди, ўшанда ҳар куни икки-уч нафардан ходимимиз билан келиб, боғчада тозалов ишларини бажарганмиз. Ўт юлганмиз, эшик-деразаларни ювганмиз, ҳовлиларни супуриб-сидирганмиз. Боғчадаги айвончалар ҳам бошқа боғчалар мудираларининг шахсий маблағлари ҳисобига қурилган. Шу айвончалар битта мудирага 2,5 миллион сўмга тушган”, деди боғчалардан бирининг мудираси.

Мудиралар шунча пулим йўқ, қила олмайман, деганда раҳбарлар “унда ишдан бўшаш ҳақида аризангни ёз”, деб қўрқитишган.

Боғча мудираси эса ҳақиқий мутахассис бўлмаганлиги учун нима қилишни билмаган, барча керакли ҳужжатларини, методик тавсиялар, машғулот ишланмалари, молиявий ҳужжатларни тажрибали боғча мудиралари тўғрилаб берган. Мудира Учкўприк саноат коллежида политехника йўналишида дарс бериб юрган қиз эди. Бир айланиб мудира бўлиб қолди.

“Мен мактабда директорнинг хўжалик ишлари бўйича ўринбосари бўлиб ишлайман, ноябрь ойида 18-мактабга президент келар экан, деб бизни бир ойдан зиёдроқ ишлатишди. Ҳар куни уч-тўрт нафар фаррош билан бориб, мактабда тозалов ишларини қилдик. Аммо негадир президент келмади. Мана, икки-уч кундан буён яна Қўқонбойга ҳашарга боряпмиз. Бир-бир ярим метр жойни тозалаб, ўтларини чопиб, ахлатларни тўплаб қўйяпмиз, кейин кечгача ўтирибмиз”, – деди “Элтуз”нинг учкўприклик суҳбатдоши.

Eltuz.com

Тағин ўқинг
26 сентябр 2016
Олий Мажлис палаталарининг қўшма қарори билан амалдаги бош вазир, мустақил кузатувчилар фикрича, ноқонуний тарзда президент вазифасини бажарувчи этиб тайинланишини ...
20 декабр 2019
Мабодо Жуманазар ака бориб келган ўзга сайëра вакиллари Ўзбекистонга келиб қолса, ўзларининг тармоғида нималарни ëзган бўлишарди? Қандайдир одамлар катта ...
24 сентябр 2019
Тошкент ахборот технологиялари университети мутасаддилари ташкил этган “троллар фабрикаси” ҳақидаги гап-сўзлар бир неча кундан буён интернетнинг ўзбек сегментида қизғин ...
22 декабр 2017
22 декабрь куни президент Мирзиёев Ўзбекистон Олий Мажлисида қилган бир неча соатлик жонли мурожаатида молия ходимларини “каламушлар” деб атади. ...
Блоглар
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...