Асосий мавзулар
13 май 2019

Тинтувдан сўнг аҳволи ёмонлашган Маҳмуд Ражаб касалхонага ётқизилди

Хоразмлик шоир, 56 яшар Маҳмуд Ражаб уйида тинтув ўтказилганидан уч кун ўтиб – 13 май куни касалхонага ётқизилди. «Элтуз» мухбири қўнғироғига жавоб берган Маҳмуд Ражабнинг ўзи ва яқинлари воқеани тасдиқлади.

Гўшакни кўтарган Маҳмуд Ражаб соғлиғи ёмонлигидан мухбирнинг саволларига зўрға жавоб берди.

«Тинтув ўтказилганидан кейин дадамнинг мазаси қочиб қолди. Касалхонага ётқиздик бугун», деди «Элтуз»га шоирнинг катта ўғли Хушнуд.

10 май куни кечқурун 18.30 да ўзларини ИИБ ходимлари деб атаган ўн нафар атрофидаги шахс кириб келиб Маҳмуд Ражабнинг уйини тинтув қилишган.

Бу вақтда унинг уйида ўзидан бошқа ҳеч ким бўлмаган. Хотини ва болалари далада ишда бўлишган.

Тинтувда ўзларини танитмаган нотаниш шахслар ва «холислар»дан ташқари маҳалла фуқаролар йиғини раиси Зокир Ваисов ва участка профилактика нозири Умрбойлар бўлган.

Улар Маҳмуд Ражабнинг қўшниларни гувоҳликка чақиришига аввалига изн беришмаган.

«Шовқинни эшитиб бир-икки қўшниларнинг ўзлари келишган ва шундан сўнггина онам воқеадан хабар топиб келган», деди Маҳмуд Ражабнинг ўғли «Элтуз»га.

“Элтуз” суҳбатдошининг билдиришича, Маҳмуд Ражабга тинтув қилиш қарорини ўқиш ва танишиб чиқиш учун имкон берилмаган.

Тинтув жараёнида Маҳмуд Ражабнинг уйидан ноутбук, янги харид қилган «Samsung» E20 уяли телефони, бўш дисклар ҳамда Муҳаммад Солиҳнинг “Пайғамбарлар тарихи” китоби ва Ойдин Солиҳнинг табобат хусусидаги китоблари олиб кетилган.

Шунингдек, унинг уйидан фермерлар билан боғлиқ турли маълумотлар битилган 7 варақ қоғозни баённомада 7 та варақа топилди деб олиб кетишган.

Суҳбатдошга кўра, Маҳмуд Ражаб тинтув ўтказилганлиги тўғрисидаги баённомага ўз ҳуқуқлари поймол этилганлиги ва тинтув қонун талабларига хилоф равишда ўтказилганлиги боис имзо чекишдан бош тортган.

“Элтуз” нашри 26 март куни Гуржистоннинг Тифлис шаҳридан қайтаётганида Тошкент аэропортида ушланган, Европа бирдамлик маркази семинарида қатнашган шоир Маҳмуд Ражабнинг ёнидан чиққан китоблар ва телефони мусодара қилингани ҳақида хабар берган эди.

Eltuz.com

Тағин ўқинг
11 март 2016
7 ва 8 март кунлари жахоннинг кўзга кўринган пахта саноати корхоналари вакиллари, олимлар, сиёсатчилар, таниқли хуқуқбонлар ва журналистлар иштирокида ...
11 март 2021
(Муҳаммад Солиҳ аудиокитобининг давоми) 1970 йилларнинг ўрталаригача биз кандакор рассом Омон Азиз устахонасида улфатчилик қилдик…Камина илк бора Туркия қўшиқчиларини ...
30 сентябр 2020
БМТ Хавфсизлик кенгаши Нью-Йоркда фавқулодда йиғин ўтказиб, Тоғли Қорабоғ низосини муҳокама қилди. Хавфсизлик кенгаши Арманистон ва Озарбайжонни «зудлик билан ...
14 феврал 2019
Ўзбекистон-Германия инсон ҳуқуқлари форуми Ўзбекистондаги давлат хизматчиларининг мажбурий меҳнати ҳақидаги навбатдаги ҳисоботини эълон қилди. “Биз, бюджет ходимлари қилмаган иш ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...