• Суратда: Владимир Литвиненко
Асосий мавзулар
20 май 2019

Қамоқда қолаётган полковник МХХ қийноқлари ҳақида гапирди

Олмалиқдаги 47-манзил колониясида сақланаётган 72 ёшли полковник, Чирчиқ шаҳридаги танк заводининг собиқ раҳбари Владимир Литвиненко “Элтуз”га берган интервьюсида уни 9 йил бурун уйдирма маълумотлар ва қийноқлар билан АҚШ фойдасига жосуслик қилишда айблаб қамашганини билдирди.

“Ҳозир шахсимга нисбатан бурунгидек шафқатсиз муносабатлар бўлаётгани йўқ. Аёвсиз қийноқлар мени қамоққа олиш ва тергов пайтида кучайтирилган эди”, деди собиқ полковник Литвиненко “Элтуз” мухбирига берган интервьюсида.

Литвиненко 2010 йилнинг августида  Жиноят кодексининг 157-моддаси (“давлатга хиёнат”) билан айбланиб 15 йилга озодликдан ва полковник ҳарбий унвонидан маҳрум этилган эди. 

Ўтган ойда Владимир Литвиненко билан учрашишга муваффақ бўлган ҳуқуқ фаоли Елена Урлаева унинг баданидан қийноқ излари ҳамон кетмагани, собиқ полковник унга ўз баданидаги қийноқ изларини кўрсатганини айтди.

Фото: Елена Урлаева
Собиқ полковник Литвиненко ҳуқуқ фаолига оёғидаги қийноқ изларини кўрсатмоқда

Литвиненконинг ҳуқуқ фаолига айтишича, 2010 йилнинг февралида собиқ полковник ва Чирчиқдаги ҳарбий завод директори ўз уйида МХХнинг махсус бўлими ходимлари томонидан ҳибсга олинган. Тинтув вақтида унинг уйидан 6000 АҚШ доллари олинган, лекин олинган буюмлар реестрида қайд этилмаган.

Литвиненко Фарғонага олиб келиниб, гаупвахтада ва тергов изоляторида қаттиқ қийноқларга солинган. 

Шунингдек, унинг кўзи олдида Қуролли кучлар подполковниклари Сергей Карсеев ва Александр Максеев, генерал Феруз Усмонов, собиқ фавқулодда вазиятлар вазири Қосим Аҳмедов калтакланган. Улар яқинлари олдида қийноққа солиниб, аёллари ва болаларини зўрлаш билан таҳдид қилинган. 

Литвиненконинг олдида унинг қаттиқ калтакланган 9 нафар курсанти олиб келинган ва агар у ёллаш бўйича айбловни тан олса, улар озод этилиши айтилган. У ўз курсантлари ҳаётини сақлаб қолиш учун бу айбловни бўйнига олган. 

Собиқ ҳарбий Тошкентга, МХХ тергов изоляторига олиб келинганда унга турли қийноқлар қўллаш давом этгани, хусусан, бурни, жағи синдирилгани, тишлари тўкиб олинганини билдирган. 

“Мен ҳалол офицерман. “Ўзбекфильм” режиссёри Жаҳонгир Аҳмедовнинг терроризмга қарши кураш мавзусидаги “18-квадрат” фильмида мени суратга туширишган”, дейди В.Литвиненко. 

“Мен Ўзбекистон президенти Шавкат Мирзиёевдан Бош қўмондон сифатида Қуролли кучларнинг кўплаб ҳалол офицерлари, жумладан, мени ҳам ноқонуний айблашганига, ҳеч қандай тергов бўлмагани, аслида қийноқлар бўлганига эътибор қаратишни сўрайман. Биз Ватанга хизмат қилишда давом этишни хоҳлаймиз ҳамда озодлик ва реабилитация талаб қиламиз”, дейилади собиқ ҳарбийнинг Олий суд ҳарбий коллегиясига ёзган кассация шикоятида. 

В. Литвиненко унинг АҚШ махсус хизматлари билан ҳамкорлик қилгани исботи сифатида фойдаланилган барча маълумотлар ёлғон ва уйдирма экани, “чин дилдан айбига иқрор бўлиши” ва кўрсатмалари қийноқлар ва шафқатсиз ҳаракатлар воситада олинганини таъкидлайди. 

Шунингдек. Елена Урлаева 49-қамоқ манзил колониясида сақланаётган маҳкум Али Шарифович Пиров билан ҳам учрашди. Тожикистонда туғилган бу собиқ ҳарбий 1989 йилдан 2007 йилгача Ўзбекистонда турли командирлик ва муҳандислик лавозимларида ишлаган. Сўнгги лавозими 55061-ҳарбий қисм командири. 

Елена Урлаева фотоси
Панжара ортида собиқ ҳарбий қисм командири Али Пиров

«Мен 1967 йилнинг 5 сентябрида Тожикистонда туғилганман, 1988 йили Тольятти ВВСКУда ўқишни тугатдим, 1989 йилнинг ноябридан 2007 йилгача Ўзбекистон ҳудудида командирлик ва муҳандислик лавозимларида хизматни ўтадим, сўнггиси 55061-ҳарбий қисм командири лавозими эди, 2007 йилнинг сентябрида МХХ ходимлари ёнимга патронлар ташлаб, мени ҳибсга олишди, 2008 йилнинг 1 апрелидан ҳарбий суд Тожикистон фойдасига айғоқчиликда айблаб 20 йил қамоққа ҳукм қилди”, деди Пиров ҳуқуқ фаоли Елена Урлаева билан учрашувида.

Ҳар икки собиқ ҳарбий қўлланилган қийноқларни батафсил тасвирлаш билан бирга, бу қийноқларни қўллаган МХХ ходимларининг исмларини келтирган. 

Ҳозир Ўзбекистонда кучишлатар тизимларнинг собиқ ходимлари, турли айбловлар билан қамоқда бўлган ва ҳали ҳам қамоқда қолаётганларнинг адолат ва реабилитация талаб қилаётгани тўғрисида кўплаб мурожаат мавжуд. 

Аммо Ўзбекистонда собиқ маҳкумларни, улар хоҳ сиёсий бўлсин, хоҳ бошқалар, реабилитация қилиш масаласи ҳамон очиқ қолмоқда. Бу эса мамлакатда ижтимоий адолатни қарор топтириш саъй-ҳаракатларига соя солиб турибди.

Eltuz.com

Тағин ўқинг
3 апрел 2018
Олий Мажлис Сенатида 29 март куни Давлат хавфсизлик хизмати (ДХХ) раиси Ихтиёр Абдуллаев Ўзбекистонга ҳавф солаётган исломий таҳдид ҳақида ...
25 июл 2017
Тўйтепа шаҳри Тошкент вилояти марказига айлантириларкан, уни smart – “ақлли” шаҳарга айлантириш учун 2 миллиард доллар сарфланади. Президент Мирзиёевнинг ...
19 январ 2017
Янги сайланган президентнинг ғайрат-шижоати, яъни кетма-кет йиғилишлар ўтказаётгани, фармонлар қабул қилаётгани газеталарни, шулар қаторида партия нашрларини ҳам анча шошириб ...
25 март 2016
Дарахтлар ҳимоси учун имзо йиғаётган экологик ҳаракат фаоли Фарида Шафиуллинанинг сўзларига кўра шаҳар маъмурларининг кейинги ҳаракати мутлақо мантиқсиз: “Шаҳарга ...
Блоглар
23 август 2019
Мамлакат турғунларининг бузилаётган уйлари учун бозор нархида товон талаб қилиши очкўзлик экан. Президент самолёти учун ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...