Асосий мавзулар
28 июн 2019

Ўзбек миясидаги икки стандарт

Баъзан хорижда, Ғарб давлатларида яшаётган ватандошларимизга ҳайрон қоламан. Америка, Канада ва Европада ким билан гаплашманг, кўпчилик шу давлатларнинг либерал, социал-демократ жабҳасига яқинлигини, Трампдан кўра, сиёсий қанотнинг сўл тарафидаги Обаманинг маъқул эканлигини уқтиришади.

Албатта, бу ерда ажабланарли жой йўқ, мантиқан тўғри бир позиция. Америка мисолида либерал демократлар муҳожирларга, фарқли динларга, этиқодларга анча тоқатли, маданий бағрикенглик даражаси муҳофазакорларга нисбатан сўл қанотда кўпроқ тарқалган.

Ғарб демократларидаги бу илиқ муносабат уларни бизнинг “қориакаларни” яхши кўриши ёки бошқа дин ва маданиятларга севгисидан эмас, албатта. Бу тоқатлиликнинг манбаси демократик фалсафанинг, демократларнинг идеологик шуурида, эътиқодидадир. Либерал демократ барча эътиқодларга, этник гуруҳларга, маданиятларга бир хил масофададир. Улар динимиз, маънавиятимиз деб дод вой солишмайди. Худди мана шу илиқлик ватандошларимизни, муҳожирликда юрган бошқа миллат вакилларини демократларга яқинроқ мавқеда туришларига сабаб бўлади.

Лекин айнан шу ватандошларимиз ўзлари келиб чиққан ёки биз билан маданият жиҳатидан бир доирада бўлган жамиятларда популист, муҳофазакор, “иймонли” султонларни, пошшоларни олқишлайдилар. Америкада либерал ҳақлар, бошқа маданиятларга тоқатлилик талаб қилиб, ўзимизнинг “қишлоқда” эса Эрдўғон, Рамзан, Путин типидаги классик консерваторларга “дин йўлидаги” хизматлари, Ғарбга қарши миллий маънавиятимизга посбонлик қилаётганликлари учун хайрихоҳлик билдирадилар. Ҳатто Ғарб демократиясининг “куфр” эканлигини таъкидлашдан ҳам уялишмайди.

Хўроз Америкада ҳам, Ўзбекистонда ҳам, Туркияда ҳам бир хил қичқиради, демократик принциплар ҳамма жойда бир хил амал қилинмас экан, ўз-ўзимизни алдашдан нарига ўта олмаймиз.

Мен бу ерда бир турарсизлик, ўз-ўзини алдаш, шарқона муғомбирликдан бошқа мантиқ кўрмаяпман.

Баҳодир Файз
Eltuz.com

Тағин ўқинг
20 июл 2016
Одатдагидек, бу ишга, яъни ғўза ниҳолларини чеканка қилиш ишларига ҳам бюджет ташкилотлари ходимлари – боғча опалар, ўқитувчилар, шифокор ва ...
7 сентябр 2017
Футбол мураббийси Самвел Бабаян, жаҳон чемпионатига чиқиш вазифасини уддалай олмагани ортидан истеъфога кетди. Ўзбекистон Футбол Федерацияси Самвел Бабаян миллий ...
12 май 2017
12 май куни Тошкентда атоқли ўзбек шоири Турсунбой Адашбоев юрак ҳуружидан вафот этди. Турсунбой Адашбоев 1939 йил 1 январида Ўш ...
24 январ 2016
Таниқли қўшиқчи, 45 яшар Наргиз Зокирова шанба куни Москванинг Backstage ресторанида берган концерти чоғида икки ксенофоб аëлнинг тажовузига учради. ...
Блоглар
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” ...
3 ноябр 2019
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...