Асосий мавзулар
26 сентябр 2019

Журъатнинг рухсат этилган даражаси

Шоир ва журналист Маҳмуд Ражаб тақдири борасида Ўзбекистондаги маҳаллий журналистларнинг журъати Хоразм вилояти ИИБнинг у ҳақдаги расмий баёнотларини эълон қилишгагина етди. 

Оммабоп бўлган маҳаллий интернет нашрлари турли муаммоларни кўтариб чиқаётганлари ортидан олқишлар олишдан чарчамаяпти.

Аммо бу чиқишлар асло ҳақиқий журналистиканинг инъикоси эмаслигини Маҳмуд Ражаб иши мисолида уларнинг ўзлари ҳам тан олиши керакка ўхшайди.

Маҳмуд Ражаб, аввало, маҳаллий журналист. Унинг Муҳаммад Солиҳ китобларини олиб киришда айбланиши халқаро ташкилотларнинг ҳам, Ўзбекистондан ташқаридаги нашрларнинг ҳам эмас, биринчи навбатда, маҳаллий журналистларнинг бош мавзуси бўлиши керак эди аслида.

Аммо, афсуски, шу ўринда журъатнинг улар учун кимлардир белгилаб берган даражаси кўриниб қолди. 

Бу даража Муҳаммад Солиҳ ижодига ишқибозларнинг адабиёт мухлиси бўлгани учун жазоланиши эҳтимоли олдида жуда пастлиги аён бўлмоқда.

Ўша оммабоп сайтларнинг изоҳларида муштарийларнинг “Унинг айби нима экан? Нега Тошкентга юриш қилибди?” каби мазмундаги саволлари ҳам жавобсиз қолмоқда.

Чунки бу саволлар журъатнинг белгиланган даражасидан ошиб ўтишни талаб этади. Аммо бу даражадан сакрайдиган маҳаллий нашр топилмаяпти.

“Хабар”чилар, “дарё”чилар, ўқувчиларингиз учун расмийлар айтаётган фуқаро Маҳмуд Ражабов бошқа, шоир ва журналист Маҳмуд Ражаб бутунлай бошқадир.

Бошқалиги шундаки, билмаганлар учун Маҳмуд Ражабов ўз манфаати ҳимоясида ҳокимиятни шантаж қилишга уринган бир фуқаро, билганлар учун мухолифат етакчиларидан бири, шоир Муҳаммад Солиҳнинг китобларини кўтариб юргани учун ноҳақ айбланаётган шоир ва журналистдир. 

Шоир ва журналист Маҳмуд Ражабнинг тақдири, ҳеч ким билмайдиган фуқаро Маҳмуд Ражабовдан фарқли ўлароқ, сиёсий масаладир.

Бу тақдир бугунги ҳукумат юритаётган сиёсатга тутилган лакмус қоғозидир. 

Шу кунларда оммабоп интернет нашрлар ҳимоя қилаётган (аслида бор-йўғи бу ҳақда маълумот характеридаги ахборотни тарқатаётган) “Кun.uz” мухбирининг иши сўз ва фикрлаш эркинлиги нуқтаи назаридан Маҳмуд Ражаб воқеасидан асло кам эмас. 

Лекин уларнинг битта фарқи бор. Бу фарқ сўз эркинлигининг сиёсий элитанинг бугунги кайфияти ва журъатнинг кимлардир белгилаган даражасида эканлигида кўринади.

Ҳамкасблар, унутманг, журъатнинг бугун сиз учун белгиланган даражасидан баландроқ бўлмас экансиз, бу даража эртага янада пасаяди!

СЎЗингизни ҳимоя қилинг, ФИКРингизни ҳимоя қилинг! 

Чунки сиз ҳимоя қилишингиз мумкин ва шарт бўлган бу тамойиллар амалдаги президент сиёсатининг қай даражада самимийлиги ва Ўзбекистоннинг яқин истиқболи қайси йўналишда кетишини белгилаб бериши билан ўта муҳимдир.

Eltuz.com

Тағин ўқинг
12 август 2018
“Жаслиқда бир ойларча ўтирганимиздан кейин вазият бироз юмшайди. Тушлик, кечки овқатлардан кейин 5 дақиқа бўлсаям бир-бирларимиз билан гаплашишга имкон ...
12 январ 2018
“Элтуз” почтасига Ўзбекистон Марказий банки ходимлари номидан экани айтилган мактуб келди. Мактуб муаллифлари банк раҳбариятини коррупцияда айблаган. Мактубга Марказий ...
2 октябр 2015
Радио манбасига кўра илгари фоҳишалик қилгани боис жаримага тортилган аëлларни йиғиб, далага олиб кетишган. “Балкондан қараб турдим. Ҳаммасини бир ...
28 октябр 2016
“Ҳуррият” газетасидаги (22.10) “Журналист сўзи – жамоатчилик эътиборида” сарлавҳали мақола мамлакат оммавий ахборот воситаларида эълон қилинган таҳлилий ва танқидий ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...