Асосий мавзулар
7 октябр 2019

Қамашидаги боғчаларга гўшт ўрнига президент портрети берилган

Қамаши туманидаги 14 ва 16-болалар боғчаларига гўшт ўрнига Ўзбекистон президенти Шавкат Мирзиëевнинг портретлари берилган. 

Бу маълумотни “Элтуз”га тақдим қилган журналист Камола Шерматовага кўра, бундан бир йил бурун, 2018 йилнинг октябрь ойида президент портрети нархи 8 кило мол гўштининг бозордаги нархига тенг эди. 

Камола Шерматова

Яъни президент портрети Қашқадарë вилояти мактабгача таълим бошқармаси тарафидан 280 минг сўм нархланган. Журналист ўз иддаосининг исботи сифатида юк хатини ҳам “Элтуз”га тақдим қилди. 

“Элтуз“ 14 ва 16-болалар боғчаларида шу кунларда осиғлиқ турган президент портретига оид инвентар маълумотлар мавжуд эмаслигини ҳам аниқлади.

Мухбир овга чиқди, ортидан ғавғо чиқди

Ҳаммаси журналист Камола Шерматованинг Қашқадарë вилоятидаги 1-мактабгача таълим муассасаси мудираси Умида Холмирзаеванинг шикоят аризасига кўра хизмат сафарига чиққанидан бошланди. 

Боғча мудираси вилоят мактабгача таълим бошқармаси килоси 11 минг сўм турадиган ва муддати ўтиб кетган “бутерброд ёғи”нинг килосини 41 минг сўмлик сариëғ дея боғчаларга ўтказаëтгани ҳақида шикоят қилди. 

Мухбир Қамаши тумани мактабгача таълим бўлими бош ҳисобчиси ва бошқа мутасаддилардан олинган маълумотлар асосида бу схемани фош этди. 

У болаларга сариëғ ўрнига муддати ўтиб кетган ва Қамашининг жазирма ҳавосида баттар яроқсиз ҳолга келган маргарин берилгани фактини аниқлайди.

“Элтуз”га маълум бўлишича, Қамаши тумани ДСЭНМ бош шифокори Ўлмас Йўлдошев ушбу маҳсулотнинг боғчаларга тарқатилишига рухсат бермаган.

“Ушбу “бутерброд ёғи” асосан кулинарияда ишлатилади. Аммо уни сариёғ сифатида болаларга истеъмол учун берилиши мумкин эмас, мен шунинг учун рухсат бермаганман”, дейди Йўлдошев.

Журналист Шерматовага кўра¸ “бутерброд ёғи” мактабгача таълим бўлими (МТБ)нинг музлаткичи бўлмаган омборида 39 кун давомида сақлангани ортидан боғчаларга тарқатиб юборилган.

Шерматова айни воқеа юзасидан амалдорларнинг иқрор бўлгани овозларини ижтимоий тармоққа жойлади.

“Гўшт берилгани” ҳақидаги юк хати

“Ҳужжатларга эътибор қаратсак, 2019 йил 19 июнь ойида “бутерброд ёғи” боғчаларга тарқатилиб, 1 июлда шартнома тузиляпти. Одатда биржада тендер асосида ўйналиб, биржа хулосаси орқали ташкилот билан шартнома тузилиб, маблағнинг 15 фоизи ўтказиб берилиши керак эмасми? 

Бу ерда, аксинча, мактабгача таълим бўлими ҳуқуқшуноси меҳнат таътилидалиги сабабли таниш адвокатлари Шоймардонова билан туман МТБ ўртасида фуқаролик шартномаси тузмасдан, 329-модда талабларини қўпол равишда бузиб, шартномани имзолаб беряпти? Қани ДСЭНМ рухсати, дея “адвокат” савол ҳам бермаган. 

Яна битта шартномага эса ҳуқуқшуноснинг имзоси қўйилиб тасдиқланмаган. ДСЭНМ раҳбарининг рухсат бермаганлигини инобатга олмай, вилоят ДСЭНМдан “рухсат берилди”, деган бошқа хулоса олиб келинган. 

Журналистнинг хизмат сафари гувоҳномаси

Хўш, тоза ҳолда келган маҳсулотни ўттиз тўққиз кун об-ҳаво иссиқлигига қарамай музлаткич эмас, омборхонада сақлаб, нега истеъмолга яроқсиз ҳолатга келтириб, халқнинг боласига едиради?” дея савол қўяди журналист.

Ана шундан кейин Қашқадарë мактабгача таълим бошқармаси раҳбарияти мавжуд вазиятни ўнглаш ўрнига камчиликни фош қилган мухбирни обрўсизлантириш тадбирини бошлайди.

Шерматованинг иддао қилишича¸ бошқарма раҳбарияти “ëлланма блогерлар кўмагида мухбирни обрўсизлантирувчи мақолаларни вилоят матбуотида эълон қолган”.

“Элтуз” таҳририяти мақолада кўтарилган мавзу юзасидан Мактабгача вазирлиги бош бошқармаси бошлиғи Мирзиёева Шаҳноза Шавкатовнадан изоҳ кутади.

Нега Қашқадарëдаги боғча тарбияланувчилари гўшт ўрнига отангизнинг расмини томоша қилишлари керак?

Eltuz.com

Тағин ўқинг
24 апрел 2018
Ўзбекистон Олий Мажлиси Сенати собиқ раиси, Хоразм вилояти ҳокими 59 ёшли Илгизар Собиров “саломатлиги ëмонлашгани боис ўз аризасига кўра” ...
31 январ 2019
Венесуэладаги охирги ўзгаришлардан сўнг, кутилганидек, собиқ президент Николас Мадуронинг тарафдорлари кўпайиб кетди. Унинг халққа қилган яхшиликлари, ҳамширалар минглаб доллар ...
15 феврал 2018
МХХ идорасининг Тошкент шаҳри марказида жойлашган бош биносидан кўчирилаётгани ҳақида 14 февраль куни “Элтуз” нашри хабар берган эди. Тошкентнинг ...
17 май 2016
“Ўзбекистон овози” газетаси Ўзбекистон касаба уюшмалари федерацияси кенгашида Халқаро меҳнат ташкилоти (ХМТ) билан ҳамкорликда семинар ташкил этилгани ҳақида хабар ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...