Асосий мавзулар
9 октябр 2019

Шабнамнинг эгизаклари туғилган кунларини онасиз нишонлашди

Кеча Шабнам (Нафосат Оллошукурова)нинг эгизак қизалоқлари уч ёшни қаршилашди. Онасиз…

Сабаби эса болаларнинг онаси сўз эркинлиги, адолат, ҳақиқат деган сўзларнинг ҳаётда борлигига ишониб Хоразмда бўлган бир воқеани ёритиб, унда иштирок этгани учун аввал ўн суткалик қамоққа, кейин эса мажбурий жиннихонага ўтказилди.

Бу мурғакларга онасининг тортаётган азобларини айтиш, нима сабабдан ҳозир онаси кела олмаслигини тушунтириш яқинлари учун қанчалар азобли бўлса, жажжи юракчаларни онаси калтакланиб, ҳақоратланиб, таҳқирланиб қийноққа солинаётганини ҳис қилиш яна ҳам даҳшатлидир…

Мен ҳам онаман. Уч яшар қизим Марямхонга қараб ўтириб, бугун шаҳар хокими ва полициясининг ноқонуний ҳаракати учун норози бўлиб, ўз ҳуқуқимни талаб қилиб, уйимга қайтиб келолмаслигимни тасаввур қилсам, даҳшатга тушаман.

Фарзандларини ҳар кун бағрига босиб, эркалаб қучувчи онани ўн кун қийноққа солиб, болаларидан айириб қўйсангиз, ҳар қандай аёл ақлдан озади аслида.

Лекин фақат аёл кишига кучи етадиган бундай пасткаш “эркак”лар бундай ҳис-туйғуни қайдан сезсинлар? Қонундан эмас, ўтирган лавозимини йўқотиб қўйишдан қўрқувчи бу “қаҳрамонлар” Шабнамдек минглаб аёлларни қон-қақшатиб ўрганиб қолишган-ку ахир.

Бугун жажжигина Шаҳло ва Лайлони дуо қилар эканман, кун келиб Шабнам онасидек жасур ва иродали аёл бўлишларини, Шабнамдек аёлнинг фарзанди эканликларидан доим фахрланиб юришларини тилаб қоламан.

Дилобар Эркинзода

Тағин ўқинг
17 май 2017
Андижон вилояти Шаҳрихон шаҳри ва туманида 15 май куни юзлаб беморлар заҳарланиш ташхиси билан касалхонага ëтқизилган. Озодлик радиоси маълумотига ...
17 июл 2017
“Мана битта мисол, эрталаб мен Интернетни ўзим очиб ўқидим, буни менга ҳеч ким бермайди!” деди Мирзиёев депутатлар билан 12 ...
27 сентябр 2017
Айтаверадиган ҳам, қайтаверадиган ҳам халқмиз. Ҳукуматимиз ҳам ўзимизга мос. Дўппи тор келса ёки “виждон”имиз уйғониб қолса, дарров оқим бўйлаб ...
2 октябр 2015
Кеча шармандали бир воқеанинг гувоҳи булдим. Ёзёвон йўлидаги Шаҳартепа қишлоғига бир иш билан бордим. Йўлнинг икки четини 100 дан ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...