Асосий мавзулар
10 октябр 2019

Янги матбуот хизматини яратиш баҳонасидаги кўзбўямачиликлар

Бугун республикада матбуот хизматларига эътибор қаратилмоқда, урра, урра билан президент қарори асосида барча шаҳар, туман ташкилотларида, ҳокимликларида янгидан ахборот хизматлари ташкил қилинди. 

4 октябрь куни Ахборот ва оммавий коммуникациялар агентлигида Комил Алламжонов раҳбарлигида йиғилиш бўлиб ўтди. 

Алламжонов томонидан матбуот хизматлари фаолияти кескин танқид остига олинди. 

“Раҳбарлар жон-жаҳди билан ишлашяпти-ю, аммо ахборот хизматлари уларнинг ишини кўрсатиб бера олмаяпти… Сизлар президент қарори остида ишлашингиз керак. Сизнинг мақомингиз раҳбар ўринбосарига тенглаштирилган”, – дея хулоса қилди Алламжонов. 

Президентнинг 2019 йил 27 июндаги “Ахборот воситалари мустақиллигини таъминлаш ҳамда давлат органлари ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги қарорининг 4-қисми “б” бандида “Давлат органлари ва ташкилотлари ахборот хизматлари раҳбарлари бир вақтнинг ўзида давлат органи ва ташкилот раҳбарининг матбуот котиби ҳисобланиб, ахборот сиёсати масалалари бўйича раҳбарнинг маслаҳатчиси мақомига эга бўлади ҳамда меҳнатга ҳақ тўлаш, тиббий ва транспорт хизмати кўрсатиш шартларига кўра давлат органи ва ташкилот раҳбарининг ўринбосарига тенглаштирилади”, дейилган.

Мазкур қарор ижросини таъминлаш мақсадида барча вилоятларда маҳаллий ҳокимликлар ҳузурида ахборот хизматларини ташкил қилиш ишлари бошлаб юборилди. 

Кадрлар масаласида анча қийинчиликларга дуч келинди. Лавозимга тайинлаш мақсадида ҳокимларнинг фармойишлари чиқарилди. 

Аммо икки ой бўляптики, Алламжонов айтганидек, бу лавозимдагилар ҳақиқатдан ҳам ҳоким ўринбосарига тенглаштирилганмикин? 

Ёки керакли имкониятлар, шароитлар яратилдими, инвентарлар билан таъминландими? 

Энг ачинарлиси, уларга ҳали ойлик маош тайинлангани йўқ. Туман ҳокимликларида фаолият юрита бошлаган ахборот хизматлари икки ойдан бери маошсиз ва уларга яратиб берилиши шарт бўлган шароитсиз ишлашмоқда. 

Вилоят ҳокимликларида, ташкилотларида ҳам бу масала ҳалигача ойдинлашгани йўқ. Ишни талаб қилишни билган раҳбар лозим бўлган имкониятларни ҳам ўрнига қўйиш керак наздимизда.  

Бу кўзбўямачиликларнинг нима кераги бор? Яна шуни таъкидлаш лозимки, эндиликда туман ҳокимликлари матбуот хизматларини ойлик билан таъминлаш учун ҳокимликдаги исталган бир штат ўрнига матбуот хизмати раҳбарини ишга олади. 

Қоғозда туман ҳокимлигида етакчи мутахассис, амалда ва оғизда туман ҳокимлиги ахборот хизмати раҳбари. Энг ачинарлиси, ахборот хизмати раҳбарига ўрнини бўшатиб берган ходим ишсиз қолади. 

Унга штатлар қисқариши, дея жавоб беришади. Фикримизча, штатлар жадвали тасдиқлангандан кейин ходимларни ишга олиш лозим эди. Ахборот хизматлари бугун ана шундай ачинарли аҳволда экан, Алламжоновнинг уларни бундай танқид остига олиши нотўғри. 

Масаланинг туб моҳиятидан хабардор Ахборот ва оммавий коммуникациялар агентлиги бу муаммоларни бартараф этиш чоарларни излайди, деган умиддамиз.

Мақола муаллифи туман ҳокимликларидан бирида ишловчи, исми сир қолишини истаган матбуот котиби

Тағин ўқинг
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан Чўлпон ижодига бағишланиб Франция ...
23 июл 2017
Бундан юз йил бурун Туркистонда рўй берган бу воқеа минтақанинг бўлинган мамлакатларида бугун турлича талқин этилади. Асли Тошкентда бошланган ...
30 ноябр 2020
Бу 1991 йил 30 ноябрдаги “Правда востока“ газетаси. Газетада сўнгги 27 йил ичида ўзбек миллатига берилган ягона сиëсий танлов ...
19 октябр 2020
Бир пайтлар мусулмон дунёсида катта нуфузга эга Туркистон мамлакатларининг халқаро обрўси бутунлай тушиб, уларнинг хоин ҳукмдорлари кейинчалик ҳам Россия ...
Блоглар
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...
20 ноябр 2020
Бугун кечқурун газим ёнмади, ўзи шундоқ ҳам паст ёнарди. Ўтин-кўмир ғамламагандим. Кичкина электрпеч ўзини ўзи ...
18 ноябр 2020
Эрталаб мош сотдим. Кўп эмас, беш юз кило. Мошимни сотиб олган тадбиркор йигит: “Мошнинг пулини ...