Асосий мавзулар
5 ноябр 2019

Депутатликка номзодини қўймоқчи бўлган шифокор босимга учради

Депутатликка номзодини қўйишга уринган, бироқ рад этилган шаҳрихонлик шифокор Отабек Аҳлиддиновнинг сайловни танқид қилгани учун унга босим бўлаётгани ҳақидаги изоҳи ноябрь куни фейсбук тармоғида тарқалди.

“Янги тузилган Экологик партиянинг бутафорик эмаслиги ва бюджетдан молияланмаслиги ҳақидаги гапларга ишониб, аъзо бўлиб киргандим. Аммо у ерда ҳам “ўша-ўшалар” ўтиргани маълум бўлди. Халқ депутатлигига номзодимни кўрсатиб, объективка топширганимда улар буни юқори ташкилотга жўнатишганини айтишган эди. Бироқ кейин ҳокимият менинг номзодимни маъқулламади, дея “изоҳ” беришди. Мана Ўзбекистондаги сайловларнинг бутун сценарийси.

Шунчаки, мен партия йиғилиши унинг аъзолари эмас, балки мажбурий тартибда йиғилган турли бюджет ташкилотлари ходимлари иштирокида ўтказилганига гувоҳ бўлдим. Йиғилишда партия аъзоси бўлмаган ва йиғилишда иштирок этмаган шахсларни депутатликка номзод этиб тасдиқлашди. Сайлов тизимининг қай тарзда ишлаётганини таърифлашга сўз ожиз.

Ўз танқидий фикрларимни айта бошлашим билан эса тўла йўсинда менга босим ўтказилиб, таҳдид қила бошлашди”, дея ёзди Шаҳрихон тумани марказий шифохонаси диагностика бўлими мудири Отабек Аҳлиддинов.

Изоҳига  “SOS!” аломати, расми ва  ўз телефон рақамларини илова қилган О.Аҳлиддинов: “Агар йўқолиб қолсам, ҳамжамиятга бу ҳақда маълум қилинг”, деган таҳликани ҳам билдирди.

“Тушунганлар тушунди…”

Лекин орадан кўп ўтмай, 5 ноябрь куни Отабек Аҳлиддиновнинг фейсбук саҳифасида бу изоҳга “раддия” ҳам пайдо бўлди.

Отабек Аҳлиддинов бу гал изоҳлар дубл аккаунтлар орқали тарқалаётгани ва уларга ўзининг алоқаси йўқлигини таъкидлаб, жумладан, буларни ёзди:

“Мен Экологик партия аъзосиман, номзодим кўрсатилиши учун партияга объективкамни берганман, ҳақиқатдан ҳам партия юқори ташкилотига номзодим кўриб чиқилиши учун берилган, лекин ҳеч ким мени таъқиб қилгани йўқ ва менинг ҳокимият ва бошқа «ташкилотларга» эътирозим йўқ. Мени ҳар хил фитналарга қўшаётганлар ва «тушунганлар тушунди», деб ўйлайман”.

Яна бир қўшимча изоҳида эса у раддияни босим остида ёзганига ишора қилди: “Яна нима қилишим керак, раддия ёз дедиларинг, ёздим-ку. Бўғаверсаларинг чидамайман”.

Еltuz.com

Тағин ўқинг
5 апрел 2016
“Ўзбекэнерго” гапни “мамлакат энергетика хавфсизлиги, экспорт мажбуриятлари ва электр энергиясига тобора ортиб бораётган эҳтиёжларни қондириш учун “Ўзбекэнерго” тизимидаги электр ...
8 июл 2016
Тошкентдаги Низомий номидаги педуниверситетнинг 1940-йилларда машҳур архитектор Е.Жмуйда лойиҳаси асосида қурилган биносини таъмирлаш баҳонасида вайрон қилиниётгани ижтимоий тармоқда бахсларга ...
15 январ 2016
Элтуз электрон почтасига келиб тушган хабарга кўра, бош вазир Шавкат Мирзиёевнинг эркатой куёвлари Ойбек ва Отабеклар пули кўплигидан керилишмоқда. ...
9 март 2016
Оқ «Матиз» минган 50 ёшли тошкентлик киракашнинг Милана исмли ўз мижозини зўрлаш мақсадида тишлагани ҳақида Фейсбук гурухида тарқалган хабар ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...