Асосий мавзулар
11 ноябр 2019

Абдуллоҳ 14 кун қаерда бўлганини нега айтмади?

Оддийгина авария содир этгани сабаб ички ишлар идорасига олиб борилгани ортидан икки ҳафта бедарак кетган андижонлик Абдуллоҳ Тоҳировнинг бошидан нелар кечгани ҳамон номаълум қолмоқда. 

Аммо бу аварияда зарарланган машина Андижон вилояти ИИБ терроризм ва экстремизмга қарши курашиш бошқармаси бошлиғи, подполковник Қаҳрамон Эргашев бошқарувида бўлгани, кейинчалик авария сабабчиси бўлмиш Абдуллоҳ иши билан “бошқа идора” шуғулланаётгани ҳақида хабарлар урчигани воқеага чуқурроқ эътибор қаратишни талаб этади. 

Абдуллоҳнинг икки ҳафта бедарак кетиши “Ўйнашмагин арбоб билан, арбоб урар ҳар боб билан” деган мақолнинг бугунги Ўзбекистондаги реал кўриниши эмасмикин?

Масаланинг бошқа бир жиҳати ҳам шундан дарак беради. Яъни Абдуллоҳнинг отаси ўғли топилгандан сўнг шунча вақт қаерда бўлганини очиқламаяпти. 

“Қаерда бўлгани ҳақида қизиқмадим”, дея ишониш умуман қийин бўлган изоҳ билан вазиятдан чиқишга ҳаракат қилмоқда ота.

Балки очиқлашдан чўчиётган бўлиши, яна эҳтимолки, чўчитилган бўлиши ҳам мумкин. 

Чунки Абдуллоҳнинг бердарак кетиши Ички ишлар вазирлиги ва ўша номи айтилмаётган “бошқа идора” боғлиқ. 

Ҳатто матбуотда ва ижтимоий тармоқларда бу воқеа бўйича шов-шув кўтарилгандан кейин Абдуллоҳнинг тақдирини ўрганган Ўзбекистон ёшлар иттифоқи ҳам “бошқа идора”нинг номини очиқламади. 

Абдуллоҳ бедарак кетганидан сўнг унинг яқинлари, шу билан бирга, адвокат мурожаат этмаган юқори идора қолмаган. Лекин бирортасидан жавоб ололмаган.

Хўп, Абдуллоҳ соғ-саломат уйига қайтиб келибди, энди шу масалани яна кўтариб, ота гўри қозихона қилиш шартми, деган саволни ўртага ташлаши мумкин кимдир.

Ҳа, бу масалани асло эътиборсиз қолдириш керак эмас. Чунки у ўзбек жамиятидаги яна бир оғриқли нуқтани яққол кўрсатиб берди.

Яъни ички ишлар ходимлари томонидан оддий ҳодиса сабаб олиб кетилган одамнинг қаерда эканини на ИИВ, на “бошқа идора” ҳатто отасига ҳам хабар қилмади. 

Айни шу воқеа бу каби идоралар ҳамон жамият олдида ҳисобдор бўлиш мажбуриятини ҳис этмаётгани, бу мажбуриятни назар-писанд қилмаётганини яна бир бор англатиб турибди. 

Агар кучишлатар тузилмалар жамият олдида ҳисобдор бўлмас экан, бу жамиятда ривожланиш, демократия бўлиши мумкин эмас. 

Айнан шунинг учун Абдуллоҳ воқеаси асло оддий ҳодиса эмас. Бу воқеага имкон қадар тезроқ ойдинлик киритилиши керак.

Eltuz.com

PS. Ҳозирча мамлакатдаги фақат битта сиёсий куч – “Адолат” партияси бу воқеага муносабат билдириб, “Абдуллоҳни ушлаб турганларни жазолаш керак”, деган баёнот билан чиқди. 

Лекин ҳозирча масъул идоралар воқеа юзасидан бирор муносабат билдиргани йўқ.

Тағин ўқинг
13 сентябр 2017
Сирдарё вилоятининг Сайҳунобод тумани ҳокими Носиржон Эгамбердиев калтаклаган мактаб директорларидан бири «Элтуз» нашрига интервью берди. Унинг сўзларига кўра, муштумзўр ...
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ушлаган талабалар сафланиб туришибди. ...
24 феврал 2021
Бу Ўзбекистон. Мана бу эса унинг мусаффо осмони. Бу олдинги ўзбек аëллари,улар учтадан туғарди. Ҳозир бу болалар Россияда. “Менинг ...
6 август 2020
Лос-Анжелесда жуда қимматга баҳоланган учта инвестиция объекти бир вақтнинг ўзида сотувга қўйилди. Ҳашамдор кўринишдаги ушбу виллалар 5,995 миллиондан 6,495 ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...