Асосий мавзулар
21 ноябр 2019

Хоразм вилояти суди 28 ноябрда Нафосат Оллошукурова шикоятини кўриб чиқади

28 ноябрь куни Хоразм вилояти кассация суди мажбурий тарзда руҳий шифохонага ётқизилган 32 яшар блогер Нафосат Оллошукурова шикоятини кўриб чиқади. 

Жорий йилнинг 30 сентябрида фуқаролик ишлари бўйича Урганч шаҳри суди Нафосатни мажбурий равишда руҳий шифохонага ётқизиш ҳақида қарор чиқарган эди. 

«Иш ҳолатлари ва қонун талабларидан келиб чиқиб, суд Оллошукурова Нафосатнинг ўзини тутиши келгусида унинг соғлиғига зарар етказиши мумкинлиги, унинг шифохонада даволаниши ўзининг соғлиғини тиклаш учун зарурлиги гувоҳлар ва аризачи вакили кўрсатмалари билан ҳам тўлиқ исботини топганлигини инобатга олиб, Хоразм вилояти руҳий асаб касалликлари диспансери бош врачининг аризасини қаноатлантиришни ва фуқаро Оллошукурова Нафосатни ғайриихтиёрий тартибда психиатрия шифохонасига ётқизишни лозим топди», дейилади суд қарорида.

Бу қарордан аввал Нафосат Оллошукурова журналист Маҳмуд Ражаб ҳимоясига уюштирилган норозилик акциясидаги иштироки учун 10 кун ҳибсда сақланган эди. 

Нафосат Оллошукурованинг адвокати Умид Давлетовнинг фикрича, “Нафосатни руҳий шифохонага ётқизиш ҳақидаги суд қарори “Психиатрия ёрдами кўрсатиш тўғрисидаги қонун”нинг 27-моддаси талабларига хилоф. Нафосат Оллошукурова суд мажлисига чақирилмаган. Унинг руҳий ҳолати бузилганига тўлиқ ишонч ҳосил қилинмаган. Психиатрик экспертиза хулосаси олинмаган. Суд қарорига ёлғонлардан иборат ариза асос қилиб олинган”.

Блогернинг адвокати, шунингдек, Нафосат Оллошукурованинг судда иштирокини таъминлашни ҳам сўраган, бироқ бу юзадан суднинг қарори ҳали номаълум. 

Қатор ҳуқуқ ҳимояси ташкилотлари, жумладан, Халқаро амнистия, “Пахта кампанияси” коалицияси ва Журналистларни ҳимоя қилиш қўмитаси блогерни руҳий шифохонадан чиқариш талаби билан баёнотлар беришган.

Eltuz.com

Тағин ўқинг
19 декабр 2016
Бош вазир Абдулла Арипов етакчилигидаги комиссия “Халқ қабулхоналари”ни очиши лозимлиги айтилади президент Мирзиёевнинг фармойишида. Каримов анъаналари ортидан бораётган Мирзиёев ...
31 март 2016
Қозоғистондаги парламент сайлови дастлабки натижаларига кўра, Президент Нурсултон Назарбоев етакчилигидаги “Нур Отан” партияси 82,15 фоиз овоз тўплаб ғалабага эришган. ...
24 март 2016
Халқ (тўғрироғи, халққа масъуллар) бутун хаёли байрам билан бўлиб, ғам-ташвишини унутди гўё. “Ҳуррият” газетаси ҳам шу шодиёнларга қанот бағишлаш ...
23 октябр 2015
Агар сиз журналист бўлсангиз? Фаол активист бўлсангиз? Ёки оддий фуқаро бўлсангизу Ўзбекистонда яшашасангиз? – у ҳолда ўзингизни ҳуқуқ тартибот ...
Блоглар
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...