Асосий мавзулар
29 январ 2020

Хитойнинг Ухань шаҳридаги 30 ўзбек талаба карантин боис Ўзбекистонга қайта олмаяпти

Бош вазир Абдулла Арипов 28 январь куни коронавирус хатари бўйича йиғилиш ўтказди. Ҳар бир идора ва ташкилотлар, шу жумладан, Соғлиқни сақлаш вазирлиги, Ташқи ишлар вазирлиги, Чегара қўшинларига топшириқлар берилди.

Аммо “Элтуз” суҳбатлашган врачларга кўра, Ўзбекистонда коронавирусни аниқлайдиган проба ускуналари мавжуд эмас.

Айни пайтда бу хатарли вирус Хитой Халқ Республикасидан бошқа ҳудудларга ҳам ëйила бошлади.

29 январь куни Яқин Шарқда илк бора коронавирусга чалинган хаста қайд қилинди. БАА Соғлиқни сақлаш вазирлиги хабарига кўра, Хитой Халқ Республикасининг Ухань шаҳрида қариндошлари бўлган оила аъзоси коронавирусга чалинган.

Шунингдек, Гонконг, Макао, Тайвань, Австралия, Вьетнам, Канада, Малайзия, Непал, Сингапур, АҚШ, Таиланд, Франция, Жанубий Корея ва Японияда ҳам коронавирусга чалинганлар аниқланди.

29 январга келиб, коронавируснинг 2019-nCoV шаклини юқтирганлар сони дунëда 6000 кишидан ошди. Бу касалдан ўлганлар сони, 29 январь кунги маълумотга кўра, 132 кишини ташкил қилган ва уларнинг ҳаммаси ХХР турғунлари.

Германияда ҳам Хитой вирусига уч киши чалингани маълум бўлди. Улардан бири – Германиянинг Мюнхен шаҳрида яшовчи 32 яшар немис Шанхайдан келган таниши билан кўришган чоғида касал юқтирибди. Ҳозир уни карантин боксга олишган.

Майли, Германия эпини қилади. Мабодо Хитойнинг Ухань шаҳридаги 30 нафар ўзбекистонлик талаба юртга қайтилса ва улар орасида касаллар бўлса, бунинг оқибатини Ўзбекистон тиббиëти эплай оладими? Хитой вируси инкубация муддати икки ҳафта.

Ҳозиргача фанга номаълум бўлган коронавирус шамоллаш ва йўтал симптомларини ўз ичига олган ўткир нафас йўли инфекциясини келтириб чиқаради.

Вирусдан муолажа усули ёки эмлаш воситаси ҳозирча мавжуд эмас.

Eltuz.com

Тағин ўқинг
7 феврал 2019
Тошкентда президент ҳузуридаги Давлат бошқаруви академиясида 5 февраль куни “Буюк келажак” ташкилоти ташаббуси билан “Ўзбекистан-2035” иккинчи халқаро форуми ўз ...
26 июн 2017
Бугун Швецияда яшаётган ўзбекистонлик фаол Дилобар Эркинзода судья Низом Рустамовнинг ундан пора сўраганини очиқларкан, Швеция ва Ўзбекистондаги судлар ўртасидаги ...
18 январ 2016
Улуғбек Ашур Eltuz.com Бугун Жиззахда ИШИДга алоқадорликда айбланаётган армани миллати ва насроний динига мансублиги айтилаётган жиззахлик Арамаис Авакяннинг суди ...
20 март 2018
Маҳаллий ҳокимлик Каттақўрғон туманида дарсдан олиб чиқилиб, кўча супуришга мажбурлангани оқибатида “Камаз” тагида қолиб ўлган 42-мактаб ўқитувчиси Диана Енекеева ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...