Асосий мавзулар
25 март 2020

Ҳазилнинг таги зил бўлди

Ўзбекистонда коронавирус инфекциясини юқтириб олганлар аниқлангани ортидан карантин жорий қилиниши муносабати билан ижтимоий тармоқларда вирусга қарши челленж бошланиб кетди.

Шифокорлар томонидан одамлар саломатлигини кўзлаб бошланган “Биз сиз учун ишда қолдик, сиз биз учун уйда қолинг” челленжини кўп ўтмай бошқа соҳа вакиллари, жумладан, ички ишлар ходимлари давом эттирди.

Коронавирус инфекцияси тарқалиши олдини олишга қаратилган “Биз ватан посбонлари халқимиз тинч-осойишталиги йўлида хизматдамиз, сиз оилангиз учун уйда бўлинг”, “Биз йўлларда сизнинг хавфсизлигингиз учун хизматдамиз, сиз биз учун уйда бўлинг” каби челленжлар ижтимоий тармоқларни бирин-кетин забт эта бошлади.

Соҳа ходимларидан руҳланган жисмоний шахслар ҳам челленжда иштирок этиш учун тармоққа боши билан шўнғиди. 

Шу тариқа, ижтимоий тармоқларни “Мен машағдаман, сиз ашағда бўлинг”, “Сиз биз учун ишда қолдиз, биз сиз учун памперсларди алмаштириб, кирларди ювиб, болларга овқат қиляпмиз” ва ҳоказо мазмундаги челленжлар босиб кетди.

Шу билан бирга, тармоқларни мутахассисларнинг коронавирус туфайли уйда қолишга даъвати жиддий қабул қилинмай кулгига олинган, баъзи бир фотосуратлар фотошоп ёрдамида ўзгартирилиб тарқатилган челленжлар ҳам эгаллади. 

Челленжлар орасида расмга “Биз сиз учун ишда қолдик, сиз биз учун уйда қолинг” деган ёзувни ушлаб тушган ҳамширанинг қўлидаги ёзуви ўрнига “Мен сиз учун ишда қолдим, сиз уйга бировни обкелиб юрманг” деган ёзув ёки “Биз сиз учун хизматда қолдик, сиз биз учун уйда қолинг” деган ёзувни ушлаб тушган ички ишлар ходимининг қўлидаги ёзуви ўрнига “Биз сиз учун итдай ишлавомиз, сиз уйда қисиб ўтиринг” деган ёзувлар фотошоп ёрдамида туширилган челленжлар ҳам бор.

Айниқса, телеграм каналида 223 мингдан кўп обуначига эга бўлган “Водители Ташкента” гуруҳида Тошкент шаҳрида яшовчи фуқаро Беҳзод Юнусовнинг “Биз сиз учун автомобиль чиқаряпмиз, сиз биз учун сотиб олинг” деган челленжи ижтимоий тармоқ фойдаланувчилари томонидан кенг муҳокама қилинди. 

Ҳатто Тошкент шаҳри ИИББ Матбуот хизмати челленжерларга бағишлаган танқидий кўрсатувлар тайёрлади. 

Бу челленж “Ўзавтосаноат”нинг автомобиллар нархини оширишидан норози бўлган халқнинг ҳовурини яна ошириб, ғазабини қўзғатиб юборди.

Натижада челленжерлар ички ишлар идораларида тергов қилиниб, Маъмурий жавобгарлик тўғрисидаги кодекснинг тегишли моддаларига кўра маъмурий жавобгарликка тортилди.  

Шундай қилиб, автомобиль ишлаб чиқарувчи монополчи ва унинг ҳимоячилари бор аламини “бир ҳазил қилай” деган умидда шунчаки расмга тушиб челленж қилган “етим”дан олди. Ҳазилнинг таги зил бўлди.

Аслида ўзбек халқига хос ҳазил-мутойибага ошуфталикка асосан яратилган челленжларни тарқатиш, қолаверса, “Биз сиз учун автомобиль чиқаряпмиз, сиз биз учун сотиб олинг” ёзувли расм улашиш жиноят эмас. 

Сўз эркинлигига, матбуот эркинлигига амал қилинадиган давлатларда бу каби ҳазиллар тўғри тушунилади. 

Eltuz.com

Тағин ўқинг
21 сентябр 2016
Ўзбекистон Ички ишлар органлари ҳақида қонун қабул қилиниши ортидан, Ички ишлар вазирлиги тизимида кадрлар алманиши кузатилмоқда. Бироқ, экспертлар фикрича ...
29 август 2016
“XXI аср” газетасида (25.08.2016) ЎзЛиДеП партияси Сиёсий Кенгаши Ижроия қўмитаси раисининг “истиқлол берган улкан имкониятлар, эришилган бемисл ютуқлар”га бағишланган ...
3 октябр 2016
Ўзбекистон телеканаллари сентябрь ойини йиғи-сиғи билан бошлаб, байрамона кайфиятда тугатди. Президент Ислом Каримовнинг вафоти муносабати билан совет даврига хос ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
Блоглар
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...