Асосий мавзулар
31 октябр 2020

Ғалаёнчилар касаба уюшмасига собиқ ҳоким раҳбар бўлди

Жорий ҳафтада “Uzbekistan GTL” заводи ходимлари касаба уюшмаси раислигига Қарши шаҳри ҳокими лавозимида ишлаган Шуҳрат Турсунов тайинланди. 

Мазкур завод ишчилари ойлик йўқлиги ва овқатланиш тизимидаги узилиш боис 21 октябрь куни ғалаён кўтарган эди.

Ушбу воқеадан сўнг Қашқадарë вилояти ҳокимлиги тарқатган ахборотда “ишчи-хизматчилар талабидан келиб чиқиб завод касаба уюшмаси раҳбарлари қонунда белгиланган тартибда вазифасидан озод этилиб, уларнинг ўрнига оддий ишчилар билан мулоқот қилиш маданиятига эга, тажрибали ва фидойи шахслар тайинланиши белгилангани” айтилганди. 

Шу асосда 59 ёшли Шуҳрат Турсунов завод қурилиши учун масъул бўлган “ENTER Engineering” компаниясининг “Uzbekistan GTL”даги касаба уюшмаси раиси этиб тайинланди.

Шу пайтгача вилоят архив иши ҳудудий бошқармаси бошлиғи вазифасида ишлаб келган бу шахс 2005-2013 йилларда Қарши шаҳри ҳокими бўлган.

Унинг ўринбосарлигига эса 60 ёшли Илҳом Худойназаров тайинланди. У бунгача вилоят ҳокимлиги ишлар бошқармаси бош мутахассиси – девонхона мудири вазифасида ишлаб келган.

“Элтуз”нинг “Uzbekistan GTL”даги манбасига кўра, вилоят ҳокими Зойир Мирзаев йиғилиш қилганида касаба уюшмаси раҳбарини ишдан олиши ҳақида кўпчилик олдида очиқ айтган.

“Йиғилишнинг ўзида Зойир Мирзаев касаба уюшмаси раҳбарлигига ўз одамини тайинлашини айтган эди. Вилоят ҳокимининг “ENTER Engineering”га тиши ўтмади. Бирорта ходимни ишдан оласан, деб айта олмайди. Аксинча, уларни мақтади. Парадокс. 

Касаба уюшмасини айбдор қилишди, мақсади, одами бор экан. Аммо касаба уюшмаси раҳбари сайланиладиган лавозим, тайинланадиган эмас. Ишчилар касаба уюшмаси раислигига улар ўзларининг одамини олиб келишганидан норози”, деди “Элтуз” манбаси. 

“Uzbekistan GTL” бош директори Фахриддин Абдурасулов 24 октябрь куни бўлиб ўтган матбуот анжуманида 21 октябрь куни ғалаён қилган ишчиларнинг “барча талаблари қондирилгани”ни айтган эди.

“Ишчилар норозилиги ошхонага кириш ускуналарининг вақтинчалик ишламай қолгани, карантин чоралари сабаб 45 кун объектда қолиб кетишгани ва айрим ишчиларнинг ойликлари ишларни топшириш жараёнининг чўзилгани туфайли оз муддатга кечиккани сабаб рўй берган. 

Ҳозир ойликлар тўлаб берилган. 45 кунлик иш муддати 22 кунликка туширилган ва овқатланиш ҳамда яшаш шароитлари яхшиланган. Ишчиларнинг барча талаблари қондирилди”, деган эди бош директор.

“Элтуз” 21 октябрь куни эрталаб соат 7:30 да Қашқадарë вилоятининг Ғузор туманида “Uzbekistan GTL” заводини қураëтган “Enter Engineering” компаниясининг юзлаб ишчиси стихияли норозилик акциясига чиққани ҳақида хабар берган эди.

“Enter Engineering” ишчилари “Элтуз”га маҳаллий ҳокимлик вакиллари¸ журналист ва блогерлар серқатнов бўлиб қолгани, уларга қўй сўйиб ош беришганини айтган эди.

Тағин ўқинг
25 ноябр 2019
Ўзбекистон президенти Шавкат Мирзиёев ниҳоят Тошкент шаҳри ҳокими Жаҳонгир Ортиқхўжаевнинг журналистларига таҳдидига ўз муносабатини билдирди. Гарчи унинг баёнотида айнан ...
30 апрел 2018
Швеция пойтахти Cтокҳолм шаҳрининг шимолида жойлашган Акалла мавзеида 30 апрель куни террор акти режалаганликда гумон қилинган уч тошкентлик ва ...
19 апрел 2016
«Ҳуқуқ» газетаси қўшни давлатларга келин бўлиб тушиб, бугун чегарадан ўтишдаги қийинчиликлар боис юртидаги қариндош-уруғлари билан борди-келди қилиш муаммосига дуч ...
18 август 2017
Абдувоҳид Ҳайит – 1967 йилда Қашқадарёнинг Яккабоғ туманида туғилган.Тошкент Давлат Университетининг журналистика факультетини битирган. Ҳозир Канадада яшайди. Кеч Вакт ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...