Асосий мавзулар
2 феврал 2021

“Ижобий” мақола ёзишга кўнмаган польшалик журналистнинг аккредитацияси узайтирилмади

1 февраль куни Ўзбекистон Ташқи ишлар вазирлиги мамлакат ичида туриб фаолият юритадиган польшалик журналист Агнешка Пикулицканинг аккредитация муддатини узайтиришни сўраб берган аризасини рад этди. 

Журналистнинг ўз твиттерида ёзишича, ўтган йили берилган аккредитация муддатининг узайтирилмаслигига у битта эмас, бир неча нашрларга мақола ёзиши кўрсатилган.  

“Менинг аризам 6 ой давомида кўриб чиқилди (қонун бўйича 2 ой кўриб чиқилиши керак эди). Юқоридаги баҳонани топиш учун уларга олти ой керак бўлди”, деб ёзди Пикулицка.

Унинг сўзларига кўра, ўтган йили аккредитациядан ўтганида ТИВ раҳбарияти у билан мунтазам алоқада бўлишни Рустам исмли бир ходимига топширган.

“Дастлаб анча фойдаси тегиб турувди. Аммо унинг нияти бошқача бўлиб чиқди. У ҳатто бир марта мени ўпмоқчи бўлди. Рад этишимга қарамай, учрашиш таклифларини қилди. Рад этгач, йигитим бор-йўқлигини сўрай бошлади. Мен иложи борича у билан муносабатларни кескинлаштирмасликка интилардим. Чунки аккредитацияни кутаётган эдим”, дея эслайди Пикулицка.

Журналист мулозимга мулойимлик билан ишдан бошқа муносабатлар уни қизиқтирмаслигини тушунтиришга уринади. Нияти ҳосил бўлмагач, ТИВ ходимининг унга бўлган талаблари ҳам ўзгаради.  

“Шундан сўнг босимлар бошланди. Аввалига у мендан карантин ҳақида ижобий мақолалар ёзишимни назокат билан сўради. Унинг фикрича, салбий мақолалар жуда кўпайган экан”, дейди журналист.

Пикулицка бу талабларни рад этади. Бу вақтда у мамлакат ташқарисида бўлган. Пандемия боис чегаралар ёпилган. Бироқ, журналистнинг айтишича, чартер рейслар бўлган. Лекин вазирлик унинг чипта олишига рухсат бермаган.

Август ойида тағин ТИВ ходими пайдо бўлиб, яна ижобий мақолалар ёзиш талабини қўяди.

Бу пандемиянинг авж палласида эди. Орада коррупция билан боғлиқ можаролар ошкор бўлди. Ўзбекистонда яшовчиларнинг шусиз ҳам муаммолари кўп эди. Миллионлаб муаммолар қаторида Сардоба тўғони қулади. Минглаб одамлар вақтинча яшаш жойларига кўчирилаётган эди.

«Мен ундан шундай даҳшатли воқеалар бўлаётган пайтда қандай ижобий мақола ёзишим мумкинлигини сўрадим. У эса менга объектив журналист эмаслигимни писанда қилди”, дейди журналист ўз твиттерида.

Мулозимнинг ножоиз ҳаракатларидан зада бўлган журналист эртасига унинг устидан шикоят ёзади. Бироқ шикоятига расмий жавоб олмайди. ТИВ ходими эса алоқаларини тўхтатади ва телеграм мессенжеридаги у билан ёзишмаларини ўчириб ташлайди. Кейин журналист аккредитацияни узайтириш учун ариза топширади.

“Жавоб фақат бугун келди. Аризам рад этилишининг расмий сабаби шунчаки баҳона эканига шубҳам йўқ. Ваҳолангки, мен Ўзбекистонда доимий яшаган, инглиз тилида ёзадидиган ягона хорижий журналист эдим. Аслида Ўзбекистон расмийлари чет эллик журналистларнинг муаммолар ҳақида ёзишларини исташмайди. Улар биздан йўқ ердаги ривожланиш ҳақида мақолалар кутишади”, ёзди Пикулицка.

Тағин ўқинг
23 феврал 2016
Рассом Элсевар ўзбекистонлик қарияларнинг пенсияларини пластикка ўтказиш билан боғлиқ ижтимоий муаммоларини ҳажв мўйқаламига тортишда давом этади. Дўконларда, ёзилмаган қоидаларга ...
23 декабр 2019
2015-2017 йилларда Ўзбекистон фуқароларининг “бузуқлар маскани” деб эълон қилинган квартиралари ва уйларини оммавий равишда мусодара қилиш ҳолатларини ўрганиш муҳим ...
30 апрел 2019
Президентнинг тўнғич қизи Саида Мирзиёева 15 апрель куни Ахборот ва оммавий коммуникация агентлиги раҳбари ўринбосари этиб тайинлангани ортидан матбуотда ...
8 декабр 2016
Айни пайтда Бош вазир ўринбосари Рустам Азимовнинг 22-ноябрдаги “Пластик карта орқали ҳисоб-китоб қилишда нақд пулга нисбатан 20-25 фоизга қиммат ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...