Асосий мавзулар
26 феврал 2021

Шошилинч xабар: Сиëсатчи Хидирназар Аллақуловни погонли одамлар олиб кетди

26 февраль куни куч ишлатар тизимлар мавжуд қонун-қоидаларга зид тарзда сиëсий партия ташаббускори, профессор Хидирназар Аллақуловни куч ишлатиб уйидан олиб кетишди.

«Ҳақиқат ва тараққиёт» социал-демократик партияси ташаббускори, профессор Хидирназар Аллақуловнинг Тошкент шаҳри Юнусобод туманидаги уйига Миллий гвардиянинг 30 чоғли ҳарбийси томонидан «босқин уюштирилди».

Бу ҳақда Хидирназар Оллоқулов Facebook ва Youtube ижтимоий тармоқларида онлайн трансляция орқали маълум қилди.

Аллақулов ўзи қўйган видеода 26 февраль куни Булоқбоши тумани ИИБ тергов бўлимига чақирув хати олганини айтади. Аллақуловга кўра¸ тергов бўлими бошлиғи Сарвар Сиддиқов ўша куни соат 13 да етиб келиш тўғрисида имзо чеккан чақирув қоғози Тошкентдаги уйига соат кундузги 9 да олиб келинган.

“Мен қандай қилиб бир неча соат ичида боришим мумкин? Ноқулай об-ҳавони қаранг. Бундан ташқари, партия ташаббускорларининг таъсис қурултойини ўтказиш учун одамларни чақириб қўйганман.

Буларнинг барчаси бутунлай коррупция ва қонунсизликка асосланган ҳукуматнинг сиёсий ҳуқуқларимни камситишга қаратилган ҳаракатдир», дейди Хидирназар Аллақулов.

Лавҳадан кўринишича, Милий гвардия либосидаги бир неча ҳарбий хонадон эшигини тепиб, қўнғироқни тинимсиз босишмоқда. Орада бир марта эшикни очган Хидирназар Аллақуловни олиб кетишмоқчи бўлишади ва профессор куч билан ўз уйи эшигини ёпиб олишга эришгани кўринади.

26 февраль куни соат 13 да Тошкентда «Ҳақиқат ва тараққиёт» партияси қурултойи ўтказилиши керак эди.

Бу борада барча ижтимоий тармоқлар орқали эълон берилган, халқаро ташкилотлар ва дипломатик корпус ваколатхоналарига қурултой учун таклифнома тарқатилганди.

Партия ташаббускори унинг бошқа фаоллари уйлари ҳам ҳукумат аскарлари томонидан ўраб олингани, улар кўчага чиқарилмаëтгани ҳақида хабар тарқатди.

Ҳолбуки, профессор партия қурултойини ўтказиш даврида жамоат хавфсизлигини сақлашни сўраб, ҳуқуқни муҳофаза қилиш органларига қонуний муддатларда мурожаатлар қилган.

Бу гапларни айтаëтган пайтда Аллақуловнинг эшик қўнғироғи тинимсиз жиринглайди.

Аллақулов эса халққа мурожаат қилади. Мурожаат давомида Аллақулов етук сиëсатчи каби режим тоқатсизлигини фош қилади.

Иқтисод фанлари доктори, профессор Хидирназар Аллақулов уч ой олдин янги партия тузиш пайига тушгандан буён унга кўринмас кучлар томонидан зарбалар берилмоқда.

Хидирназар Аллақулов ҳақида икки оғиз сўз. У 1956 йилда Сурхондарё вилояти Олтинсой туманида туғилган. Термиз давлат университети ректори бўлиб ишлаган вақтда қўл остидаги ножўя ҳаракат қилган амалдорларни ишдан бўшатиб, ўзига душман орттирган.

2002 йилда университет ректорлигига тайинланиб, икки йил ишлагач, маблағларни талон-тарож қилганликда айбланиб ишдан бўшатилган. Сўнг суд орқали ўзининг оқлашишига эришган.

Eltuz.com

Тағин ўқинг
28 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 13-қисми Америкада чоп этилган «Ўзбек карвони» антологиясига киритилмаган шоирлар ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ гирдини ҳам онтариб қарайди. ...
22 октябр 2022
Шу кунларда Лихтенштейн Князлигида ўтказилган маданий тадбирда, “Yuzuk e.V.“ нодавлат нотижорат ташкилоти ижрочи директори Дилбар Ғаффорованинг, «Ўзбекистон тасвирий санъати» ...
7 апрел 2016
«Халқ сўзи» газетаси яқин ойларда ўтказилиши мўлжалланган фуқаролар йиғинлари раислари ва уларнинг маслаҳатчиларини сайлаш тадбири Олий Мажлис Сенатининг жиддий ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...