Асосий мавзулар
4 апрел 2021

“Эрк” партияси Хидирназар Аллақуловга қилинаëтган тазйиқларни қоралади

Ўзбекистон тарихида илк рўйхатга олинган мухолифатдаги «Эрк» демократик партияси Хидирназар Аллақулов раҳбарлигида таъсис этилган янги социал-демократик партияга қарши тазйиқ ва босимларни қоралаб чиқди.

Ўзбекистон «Эрк» демократик партияси бош котиби вазифасини бажарувчи Бахтиёр Исобек жорий йилнинг 3 апрель куни имзолаган билдиришда “янги қурилаётган партиялар рўйхатга олинмаëтгани, уларга қарши зўравонлик ишлатилиб, конституцион ҳуқуқлари топталаëтгани” таъкидланади.

“Эрк” партияси янги таъсис этилган социал-демократик партияга қарши ҳукумат тарафидан бўлаётган жирканч тазйиқларни кескин қоралайди ва бу ташкилотдаги ватанини севган инсонлар билан бирдамлигини билдиради”, дейилади баёнотда.

Билдириш матнида “Эрк” партияси ҳам 2021 йилги президент сайловида иштирок этажаги айтилган: “Бу оғир сиёсий вазиятда «Эрк» партияси ўз халқи билан ҳамдарддир. Шу мақсадда яқинлашиб келаётган президент сайловида «Эрк» партияси ўз номзоди билан қатнашиш режасини тузмоқда».

Билдириш матнида таъкидланишича, собиқ хонанда Жаҳонгир Отажонов “Эрк” партиясига аъзо бўлиб, сайловда қатнашиш истагини билдирган:

“Ҳозирда партия марказий кенгаши номига номзодлик истаги билан келган аризалар ичида сўнгги ойларда ўзининг сиёсий баёнотлари билан диққат қозонган хонанда Жаҳонгир Отажон ҳам бор. Бир неча кун ичида «Эрк» партияси президент сайловида ўз номзодини эълон қилади”.

Ўзбекистонда 80-йиллар охирида «Бирлик» халқ ҳаракати, «Эрк» демократик партияси каби мухолиф сиёсий ташкилотлар ўртага чиққанди. 1990 йилнинг 30 апрелида мустақил Ўзбекистон тарихидаги илк демократик партия – “Эрк”нинг таъсис қурултойи бўлиб ўтган эди.

1992 йилги президент сайловида «Эрк» партияси раиси Муҳаммад Солиҳ президентликка номзод сифатида 12 фоиз овоз олгани расман айтилганди. Аммо айни сайловда ҳукумат мулозими сифатида ишлаган Шароф Убайдуллаев 2021 йилда «Озодлик» радиоси орқали чиқиш қилиб, Муҳаммад Солиҳнинг сайловда ютгани, аммо сайлов натижалари Каримов фойдасига сохталаштирилгании айтган эди. 1992 йилги сайловдан кейин мухолифат лидерлари бирин-кетин хорижга кетишга мажбур бўлганди.

eltuz.com

Тағин ўқинг
17 декабр 2015
Экспертларга кўра уларнинг асосини этник ўзбеклар, Ўзбекистон фуқаролари, аксарият Фарғона водийси, жумладан Ўш шаҳридан келганлар ташкил этади. Турли маълумотларга ...
3 сентябр 2017
Паҳлавон Содиқ 1973 йилда Наманган вилоятининг Чортоқ шаҳрида туғилган. Тошкент ва Туркияда журналистикадан таҳсил олган. «Руҳият насими» (1994) шеърий ...
17 апрел 2019
Оммавий ахборот воситаларида турк актёри Бурак Ўзчивитнинг янги туғилган чақалоғига Тошкентдан уй совға қилингани ҳақидаги хабарларни 17 апрель куни ...
8 июн 2017
Муттасил электр узилишлари ва Интернетдаги тўсиқларга қарамай ўзбекистонликлар ижтимоий тармоқларда фаол бўлишмоқда. Сўнгги маълумотларга кўра, 2 миллион 163 минг ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...