Асосий мавзулар
4 май 2021

“Сатторий иши” хулосалари

Бугун “Сатторий иши” бўйича айбланувчига 5 та иш бўйича айблов қўйилганини билдирилиб, унга 11 йил қамоқ жазоси бериш сўралди. Ҳали суд ҳукми мавжуд эмас. Лекин қатор хулосалар ва сигналларни олса бўлади.

Биринчи хулоса: Para mis camaradas habrá amnistías, para mis enemigos, todo el peso de la ley. “Дўстларимга ҳамма нарса мумкин, душманларга эса қонун шафқатсиз бўлади” қоидаси биринчи марта қўлланилиши эмас, бу охиргиси ҳам эмас. Ахир бу адолатсизлик, дейишингиз мумкин. Ҳа, адолатсизлик, лекин реаллик шу.

Иккинчидан, бу фаол жамоатчиликнинг сўз эркинлиги ҳудудини кенгайтириш истакларига қарши қўрқитиш акти ҳам. Самара берди ва бермоқда. Керак бўлса, яна шу каби намойишкорона процесслар уюштирилади.

Учинчидан, биринчи пунктда ёзилганидек, ҳеч кимга ишлатилмаган қонун шафқатсизлиги сенга ишлатилишини эсдан чиқармай, бўғзигача коррупцияга ботган амалдорлар, уларни бирлаштириб, садоқат тақдим этиб турувчи ва замоннинг тамал тоши ҳисобланган коррупцияни танқид қилаётган шахс учун эҳтиёт чоралари энг муҳим қоидага айланиши лозим. Ҳар бир учрашув ишончли гувоҳлар иштирокида юз бериши, ҳар бир тижорий ёки манфаатли битим ҳужжатлаштирилиши, ҳар бир номаълум қўнғироқ ёки ёзишма сақлаб қолиниши энг оддий эҳтиёт чораларидир.

Рухсат этилганидан ортиқ танқид қилаётган шахс ҳатто берган қарзини қайтариб олиши ёки кўрсатган хизмати учун ҳақ олиши пора олиш сифатида таснифланишгача етиб бориши мумкинлигини ўзига тасаввур этиши лозим.

Тўртинчидан, ҳар қандай авторитар режимнинг бронзалашуви мутлақ ҳокимият эгаси бўлган маҳаллий ҳокимиятлардан бошланади. Ҳудудларда, агар бунга истак бўлса, исталган одамни бадном қила олиш мумкин. Шу маънода, маҳаллий феодалларнинг шотир ва баччаларига айланиб улгурмаган, фикрлашда, сўзлашда ва ҳаракатларда ўзини чегаралашни истамаганлар ҳали қонун нормалари амалда бўлиб турган пойтахтда фаолиятларини давом эттирганлари яхши. Ҳа, бу ечим эмас, лекин вақтинчалик чора. Тошкент, истаймизми, йўқми, Термиздан хавфсизроқ. Тошкентда, истаймизми ёки йўқми, Андижондан фарқли ўлароқ, ҳали Ўзбекистон қонунлари амал қилмоқда.

Bankiroff телеграм каналдан олинди

Тағин ўқинг
5 август 2016
Ўзбекистон МХХ раиси 72 яшар генерал Рустам Иноятов 1995 йилдан бери республикани кучли назорат остида тутиб келади¸ Рассом Туз ...
19 ноябр 2019
Айни сайлов авж палласига чиққан пайти пойтахт ҳокими билан боғлиқ бундай компромат чиқиши сиёсий жараёнлар ривожланган давлатларда депутатликка номзодлар ...
15 август 2019
«Зангиотага воронокда олиб кетяпти. Машинадаги ҳаммаси ёш йигитлар, фақат мен 60 ёшдаман. Ёшлар тинмай чекишяпти, нафас олишга ҳаво етишмайди. ...
11 сентябр 2019
Ибтидосида айтай, мен шоир ёки бастакор, ё-да ҳофиз эмасман. Шеърга ўхшаган бир нарсаларни ёзиб, уларга ўзимча куй басталаб, онда-сонда ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...