Асосий мавзулар
23 август 2021

69 ёшли отахон машинасиз қолди

Қорақалпоғистон Республикасининг Тўрткўл туманидаги “Шўрахон” овул фуқаролар йиғинида истиқомат қилувчи 69 ёшли Султон Раҳимов машинасиз қолди. 

У 2019 йил 6 ноябрда “Cobalt” машинаси хариди учун “Беруний авто савдо” МЧЖга 87 миллион 400 минг сўм тўлов қилган эди. Орадан 2 йил ўтди, аммо   отахоннинг муаммоси ечилмади.

“Элтуз” мухбири ҳолатни ўрганиш мақсадида томонлар билан гаплашди.

“Отамга машина совға қилмоқчи бўлиб, анча йиллардан буён пул йиғиб юрардим, – дейди Шерзод Раҳимов. – Озроқ пул тўпланганидан сўнг отам “Cobalt” учун тўлов қилган. 

Бу орада мен Россиядан келиб, Тошкентда қора ишчи бўлиб ишлаб юргандим. Орадан ҳеч қанча ўтмай, машинадан хабар олгани борса, чек ва тўлов қоғозида муаммо борлигини айтишган, сўнг машинага тўлов қилинмаган, дейишган. 

Отам бу ҳолат бўйича дастлаб туман судига, сўнг прокуратурага, Олий судга, Бош прокуратурага ариза билан чиқди. Хуллас, бормаган жойи қолмади. Ҳозир отам қанд касали билан оғриб ётибди”.

“Элтуз”га тақдим этилган ҳужжатларда машинага тўлов қилган МЧЖ муҳри акс этган.

“Беруний авто савдо” МЧЖ директори Неъмат Турдиев пул тўлови ҳақида ўзининг иддаоларини келтириб ўтди.

“Пулни ҳисобчимиз Жасур Маткаримов олган ва у бизнинг ҳисобга келиб тушмаган, -дейди Неъмат Турдиев. – Аммо уларга тақдим этилган ҳужжатда МЧЖ муҳри босилган. 

Ҳолат бўйича бир йилдан ошиқроқ вақт давомида суриштирув ўтказилди. Биз ходимга нисбатан чора кўрилишини, корхона номидан қилган ишларига жавоб беришини сўраганмиз”.

Нукус прокуратураси мулозими “Беруний авто савдо” МЧЖ ҳисобчиси Жасур Маткаримов билан боғлиқ масала ўрганилгани, у билан боғлиқ 5 та шундай ҳолат юз берганини маълум қилди. 

Унинг билдиришича, 3 нафар фуқарога пуллари қайтиб берилган. Қолган икки нафарига берилган муддатда пулларни қайтариш имкони бўлмаган ва қонуний чора кўрилган.

2020 йил декабрда Элликқалъа тумани суди томонидан дастлаб Жасур Маткаримовга 5 йил озодликдан маҳрум этиш белгиланади, томонлар қарши чиқиб, пулни қайтариб берса, бошқа даъвоси йўқлигини айтади. 

Шунда ҳисобчи Жасур Маткаримовга 6 ой муҳлат берилган. Бироқ бу муддат ичида Султон Раҳимовдан олинган пуллар қайтарилмаган ва у суд белгилаган муддатга қамалган.

Тағин ўқинг
12 ноябр 2015
Паҳлавон Содиқ Би би си 1999 йил кузида Олий Судда Тошкент портлашлари юзасидан суд мажлисларидан бирига Мурод Жўраевни қўлларида ...
18 феврал 2020
Туркистон мухторияти молия вазири Соломон Абрамович Герцфельд 1918 йилнинг 18 февралида Қўқонда большевик жаллодлар тарафидан ўлдирилди. Соломон Герцфельд умрининг ...
20 октябр 2015
Гулнора Каримованинг номи куни кеча барчанинг оғзида эди. «Гулнора тўйлар қиляптимиш!», «Гулнора деган духи чикибдимиш!», Гулнорани заправкасида доим бензин ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...