Асосий мавзулар
30 октябр 2021

Юлдуз Усмонова судда ютқазди. У шоирга 185 миллион тўлаши керак

29 октябрь куни Тошкент шаҳри Мирзо Улуғбек туманлараро фуқаролик судида шоир Йўлчи Рўзиевнинг Ўзбекистон халқ артисти Юлдуз Юсмоновага қарши даъво аризаси юзасидан суднинг якуний мажлиси бўлиб ўтди. 

Бу гал ҳам суд хонанда иштирокисиз ўтди. Йўлчи Рўзиевнинг “Хаста бўлма” шеъри муаллифлиги бўйича даъво аризасида кўрсатилган ваъжлар томонларнинг ишончли вакиллари иштирокида муҳокама қилинди.

Судда даъво аризаси қисман қаноатлантирилиб, Юлдуз Усмоновадан шоир Йўлчи Рўзиев фойдасига етказилган маънавий зарар учун 50 миллион сўм ҳамда БҲМнинг 500 баравари миқдорида маблағ ундириш тўғрисида қарор қабул қилинди. 

Суд қароридан норози бўлган томон 10 кун ичида апелляция шикояти билан мурожаат қилиши мумкин.

Йўлчи Рўзиев ва унинг адвокати Равшан Мардиевнинг “Элтуз”га маълум қилишича, ўтган ҳафта давомида жавобгар томонидан ўзаро келишиб олиш учун шоирга 30 миллион сўм миқдорида пул таклиф қилинган. Шоир буни рад этган ва ҳукмни суд ихтиёрига қолдирган.

Шоир Йўлчи Рўзиев суддан икки шеърини қўшиқ қилиб куйлаган Юлдуз Усмоновадан қалам ҳақини ундириб беришни сўраганди. 

Шоирнинг сўзларига кўра, бундан бир неча йил аввал қўшиқ қилинган шеърлари учун хонанданинг маъмурлари унинг номидан қалам ҳақи ваъда қилган. Аммо ваъда ваъдалигича қолиб кетган. 

Яқинда эса Юлдуз Усмонова ижтимоий тармоқ орқали мазкур судлашувга оид ҳолатга шахсий муносабатини билдириб, шоир Йўлчи Рўзиевга “Ахлатий” дея таъриф берганди.

Eltuz.com

Тағин ўқинг
4 апрел 2017
Ўзбекистон Меҳнат вазири Азиз Абдуҳакимов 30 март куни Россиядаги кўпфункцияли миграция марказини бориб кўрди. Айнан шу ерда Москвада ишлашни ...
11 апрел 2017
Суд-ҳуқуқ тизими ислоҳ қилинаётгани ҳақидаги ура-урачиликнинг янги тўлқини кўпчиган шу кунларда «XXI аср» газетаси яна бир мавзуни кўтарганки, соҳадаги ...
23 август 2018
Интернетда ёш аёл билан жинсий алоқа устида тасвири олинган  хоразмлик 61 ёшли А.О. исмли шахс видеоси тарқалди. Воқеадан хабардор ...
18 июн 2020
1989 йил май-июнь ойларида маҳаллий ўзбеклар билан юз берган этник тўқнашувлар давомида месхети турклари яшайдиган ҳудудлар вайрон этилди. Расмий ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...