Document UZ
23 феврал 2018

Рашиджон Қодиров тергов қилиниб, уйига қўйиб юборилганми?

Ўзбекистон Бош прокуратураси матбуот хизмати ходими 23 февраль куни телефонда «Элтуз» мухбирига собиқ бош прокурор Рашиджон Қодировнинг ҳибсга олинмаганини, бошқа бир манба эса унинг сўроқ қилиниб, қўйиб юборилганини айтди.

Айни пайтда собиқ бош прокурорнинг ҳибсга олинмагани, бир нечта сайтларда эълон қилинган бу хабарлар миш-миш экани ҳақида 23 февраль куни Uznews.uz сайти «раддия» билдирди.

Бироқ Uznews сайти прокуратуранинг номи келтирилмаган манбасига таянади. Бош прокуратуранинг расмий сайти эса бу ҳақда раддия бермаган.

Қодировнинг ҳибсга олинганлиги ҳақидаги хабарни «Элтуз» нашри ўзининг бир нечта манбасига таяниб 22 февраль куни билдирган эди. Манбаларнинг айтишича, Қодиров Зангиота туманидаги ҳовлисидан қўлига кишан солиниб олиб кетилган.

Расман тасдиқланмаган маълумотларга кўра, ўша куни бир неча собиқ мулозим ҳам сўроқ қилинган.

Улар орасида МХХнинг ўтган ой ишдан олинган собиқ раиси Рустам Иноятовнинг ҳам борлиги иддао қилинмоқда.

«Элтуз» нашри воқеалар ривожини кузатишда давом этади.

Eltuz.com

Тағин ўқинг
17 май 2016
«Ўзбекистон овози» газетаси Ўзбекистон касаба уюшмалари федерацияси кенгашида Халқаро меҳнат ташкилоти (ХМТ) билан ҳамкорликда семинар ташкил этилгани ҳақида хабар ...
29 октябр 2018
Сўнгги олинган хабарга кўра, «Америка овози» радиосининг Истанбулда ҳибсга олинган, Малик Мансур тахаллуси остида ишлайдиган 49 ёшли мухбири Абдумалик ...
20 июн 2016
Қирғиз матбуотининг билдиришича, 18 июн куни милицияга мурожаат қилган жалолободлик аёл, қишлоқ масжиди имомининг ўз ўғлини зўрлагани ҳақида ариза ...
5 октябр 2018
Россия телеканалига берилган интервью мазмуни USM Holdings асосчиси, Россиянинг энг бой ўнталигига кирувчи Алишер Усмонов Россия каналининг «Действующие лица» ...
Блоглар
22 апрел 2019
Қадимги туркий тилнинг иккита асосий алифбоси бор — Ўрхун-Енисей (кўктурк, руник) ёзуви ҳамда уйғур алифбоси. ...
19 апрел 2019
Фолбинларга ишонмайман, лекин уларнинг бизнес моделига қойил қоламан. Бир қарашда келажакни таваккал айтиб, мижозни бунга ...
18 апрел 2019
Аврангзеб (тож безаги) дея тарихга кирган Абул Музаффар Муҳиддин Муҳаммад Оламгир (1618—1707) Ҳиндистонда Буюк мўғуллар ...