Document UZ
7 май 2018

Озод этилган Бобомурод Абдуллаев жамоатчиликка миннатдорлик билдирди

Журналист Бобомурод Абдуллаев ва яна уч нафар шахс 7 май куни озод этилди. Суд қарорига кўра, Бобомурод Абдуллаев иш ҳақининг 20 фоизини ушлаб қолиш шарти билан 3 йиллик ахлоқ тузатиш ишларига жалб қилинади.

Блогер Ҳаётхон Насриддинов ҳамда икки тадбиркор – Равшан Салаев ва Шавкат Оллоëровга эса жазо белгиланмади.

«Элтуз» мухбири қамоқ жазосидан озод этилган Бобомурод билан гаплашишга муваффақ бўлди. Журналист Бобомурод Абдуллаев ҳибсдалик пайтида уни қўллаб-қувватлаган барча жамоатчилик вакилларидан миннатдор эканини билдирди.

«Ташқарида жамоатчиликнинг мени қўллаб-қувватловини ҳамиша сезиб турдим. Ҳаммага миннатдорлигимни етказинг!» деди Бобомурод Абдуллаев «Элтуз» мухбирига.

Судья Зафар Нурматов чиқарган қарорга кўра, 159-модданинг 3-кисми “б” бандида кўзланган жазо муддатидан Бобомурод Абдуллаев ҳибсда сақланган 221 кун чиқариб ташланган.

Бобомуроднинг қамоқдан озод этилишини катта ғалаба эканини эътироф этаркан, журналистни ҳимоя қилган адвокат Сергей Майоров суд қароридаги жазонинг ҳам нотўғри белгилангани, чунки Бобомуроднинг айни жиноятни содир этгани исботланмаганини айтди.

«Шахсан мен суд қароридан қониқмадим, агар Бобомурод истаса, апелляция шикояти топширишимиз мумкин. Мен у ҳеч қандай жиноят содир этмаган, дея ҳисоблайман. У тўлиқ реабилитация қилиниши мумкин», деди Майоров суд якунида.

Эслатиб ўтамиз, журналист Бобомурод Абдуллаев Миллий хавфсизлик хизмати ходимлари томонидан ўтган йилнинг 27 сентябрида ўғирлаб кетилган. Орадан уч кун ўтиб, унинг МХХ (ДХХ) томонидан «ҳокимиятни ағдаришга уринишда айбланаётгани» маълум бўлган эди.

eltuz.com

Тағин ўқинг
19 июл 2016
Россия империяси олиб борган ишғолчи урушлар натижасида Марказий Осиëдаги хонликларга оид улкан тупроқлар, ўша ерларда яшаган “туземец”лар билан бирга ...
3 ноябр 2016
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи мужда сифатида қабул қилинди. ...
13 май 2016
Махалланинг сирини юқорига сим қоқиб турадиган кампирларга маҳаллаларнинг диний маърифат ва маънавий-ахлоқий тарбия масалалари бўйича маслаҳатчиси лавозими ато қилинди. ...
2 июн 2016
«Аввал бизга уч нафар номзод кўрсатилади, дейишганди», – дейди Фарғона вилоятининг Учкўприк туманидаги сайловда иштирок этган маҳаллаларда яшовчи мўйсафид. ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...