Document UZ
7 декабр 2018

Уйлари тортиб олинган журналистлар Олий судга шикоят қилишди

Ака-ука Бобожоновларнинг уйларини мусодара қилиш қарорини Урганч тумани суди ўз кучида қолдириши ортидан 5 декабрь куни журналистларнинг адвокати ишни назорат тартибида қайта кўриб чиқиш юзасидан Ўзбекистон Олий судига мурожаат қилди.

Урганч туманлараро фуқаролик судининг 27 ноябрь кунги мажлисида судья Ўткир Машарипов журналист ака-укалар Бобожоновларнинг уйини мусодара қилиш борасидаги ўзи чиқарган қарорни ўзи ўз кучида қолдирган эди.

«Машарипов ўз қарорини бекор қилиши керак эди. Лекин у бундай қилмади. Ўзи чиқарган, уй эгаларига хабар бермасдан ўтказилган, ака-ука Бобожоновларнинг уйларини мусодара қилиш ҳақидаги 2018 йил февраль ойида чиқарилган суд қарорини ўз кучида қолдирди.

Бунда у судга мурожаат қилишнинг барча муддатлари ўтказиб юборилганини рўкач қилмоқда. Шу боис, биз биринчи инстанция ва кассация тартибидаги судларни четлаб ўтиб, Олий судга мурожаат қилдик», деди журналистларни ҳимоя қилаётган Тошкентдаги «Симай» адвокатлик идораси вакили «Элтуз» мухбирига.

22 ноябрь куни «Озод Европа – Озодлик радиоси» (RFERL) нинг Вашингтондаги қароргоҳи маъмурияти бу амалнинг журналистлардан ўч олиниши экани ҳақида баëнот берган эди.

Фото: 1999 йили Хоразм вилояти ҳокимлиги Бобожоновларга тегишли «Эй Эл Си» телекомпаниясини ноқонуний тарзда ёпган эди.  

Eltuz.com

Тағин ўқинг
28 август 2018
Тез кунларда Ўзбекистонда оммавий пахта теримига старт берилади. Аммо бу йилги мавсум ҳам ҳокимият амалдорларининг қонунбузарликлари остида ўтишига ишоралар ...
27 декабр 2020
Манбалар “Элтуз”га Ўзбекистон бош прокурори Ниғматилла Йўлдошев тошкентлик ишбилармонлар орасида “Шайтон” лақаби билан танилган, муқаддам фирибгарликда айбланган 45 ёшли ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан бўшатилганини билдирмоқда. Бу ҳақда ...
4 август 2016
Ўзининг машҳур «Абдуллажон» филми билан танилган ўзбек кинорежисери Зулфиқор Мусоқов ўзининг фейсбудаги саҳифасида Телевидение орқали цензура қалинган филми юзасидан ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...