Document UZ
10 январ 2019

Ўзбек-испан ширкати ишчиси мажбурий меҳнат қурбони бўлди

Олмалиқдаги «Аммофос-Максам» ширкати ишчиси, 2018 йилги пахта мавсумида мажбурий теримга олиб чиқилган  24 ёшли Соҳибжон Муталибов Жиззах вилоятининг Дўстлик тумани шифохонасида оламдан ўтди. Маҳаллий йигит билан муштлашувда унинг бош чаноғи уриб ёрилган эди.

Тошкент вилоятининг Олмалиқ туманида жойлашган «Аммофос-Максам» минерал ўғит ишлаб чиқаришга ихтисослашган Ўзбекистондаги йирик ширкатдир.

Муталибовлар оиласи яшайдиган Олмалиқ шу ягона иш берувчи корхона мавжуд бўлган анчагина қашшоқ бир шаҳардир. Соҳибжон «Аммофос-Максам» кимё заводида ўлимига қадар беш йил ишлади ва ҳар йили кузда пахтага олиб чиқилди.

Унинг оиласи муштлашувга нима сабаб бўлганини билмайди, ҳозирги пайтда бу юзадан суд тергови давом этмоқда.

Соҳибжоннинг ўлимидан сўнг унинг отаси Иброҳим ширкат раҳбарлари билан учрашишга уринди, бироқ бунга йўл берилмади. Оила завод касаба уюшмасидан фақат 600 доллар олди.

Соҳибжон Муталибов ўз иш берувчисининг пахта теришга чиқариш талабини рад қила олмасди, чунки у оиласининг ягона боқувчиси бўлароқ, ишдан бўшатишларини истамасди.

Ўзбекистонда 2018 йилги пахта мавсумида мамлакат бўйлаб давлат ва хусусий секторда ишловчи юз минглаб ходимлар ишдан бўшатиш таҳдиди остида мажбурий меҳнатга жалб қилинди.

Ўзбекистон-Германия инсон ҳуқуқлари форуми (UGF) тайёрлаган видеони «Элтуз» таҳририяти ўзбек тилига ўгирди.

Eltuz.com

Тағин ўқинг
26 феврал 2018
Каламушлар кема чўкаётгани учун эмас, балки уларга қарши курашишга бел боғлагани учун қочиш ҳаракатига тушиб қолди. Бир неча кун ...
23 март 2018
Швециянинг пойтахти Стокголмда 21 март куни қозоқ, турк, эрон, ўзбек, уйғур диаспораси вакиллари Наврўз байрамини нишонлашди. Наврўз тадбирига мезбонлик ...
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар тизими мамлакат қишлоқ хўжалиги ...
1 феврал 2016
Ўтган ҳафта Ўзбекистондаги вақтли нашрларнинг сарлавҳаларига бошқа давлатларга намуна бўлиши керак бўлган «ўзбек модели» ташвиқотидан ташқари турли реал ҳақиқатга ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...