Document UZ
24 май 2021

Литва Ryanair учоғининг Беларусга мажбурий қўндирилишига оид тергов бошлади

Литва Бош прокуратураси Ryanair авиакомпаниясининг Афинадан Вильнюсга парвоз қилаётган учоғи миналаштирилгани иддаоси билан Минскда мажбуран қўндирилиши ва йўловчиларга нисбатан халқаро ҳуқуқларга зид муносабат юзасидан жиноят иш қўзғади, иш Литва Жиноят кодексининг икки моддасига асосан очилган.

«Самолётни гаровга олиш ва одамларга нисбатан халқаро ҳуқуқларда тақиқланган муомала қилиш бўйича судгача тергов иши бошланди», деди Литва Бош прокуратураси коммуникация бўлими бошлиғи Эляна Мартинонене 24 май куни.

Ўз навбатида, Литва полицияси бош комиссари ўринбосари Арунас Арлаускас ҳам ҳаво кемасини гаровга олиш инциденти бўйича жиноят иши қўзғатилгани ҳақида баёнот берди. «Жиноят иши қўзғатилди. Шу бугуноқ экипаж аъзолари ва йўловчиларнинг айримлари гувоҳ сифатида сўроқ қилинади», деди у.

Полиция ходимига кўра, самолётда катта эҳтимол билан зиддият келиб чиққан, жанжал чоғи учоқда портловчи мослама борлиги эълон қилинган. «Бу Минскка қўниш сабабларидан бири эди», деди у. Эртаси куни кечқурун Литва полицияси Жиноят кодексининг икки моддаси бўйича судгача тергов бошланганини эълон қилди.

Афинадан Вильнюсга парвоз қилаётган учоқ экипажи 23 май куни беларуслик диспетчерлардан самолёт бортининг миналаштирилгани ва Минскка қўниш лозимлиги ҳақидаги топшириқни олишади. Лайнерни қарши олиш учун Беларуснинг МиГ-29 ҳарбий учоғи ҳавога кўтарилди.

Минск аэропортидаги хавфсизлик хизмати учоқ бортида ҳеч бир шубҳали нарсани аниқламади ва беш соат ўтгач, парвознинг давом этишига рухсат берилди. Бироқ Беларус кучишлатарлари Nexta телеканалининг учоқда бўлган асосчиларидан бири ва бош муҳаррири Роман Протасевич ва унинг қайлиғини қўлга олишди.  

Беларусда журналистга нисбатан жиноят иши очилган, уни экстремистик фаолиятда айблашмоқда. Протасевич террорчилар рўйхатига киритилган.

Манба: www.dw.com

Тағин ўқинг
16 ноябр 2019
Мен кўпинча бир миллион доллар пулим бўлса нима қилардим, деб  ўйлаб қоламан. Ëшлигимда эски пахса ҳовлини йиқиб, ғишт қилиб ...
19 апрел 2018
Президент Мирзиёевнинг педагог ва шифокорларни мажбурий ишларга жалб этмаслик талабларидан сўнг Тошкентда 17 апрель куни ўтган йиғилишда бир неча ...
8 декабр 2015
Умида Ниёзова Eltuz.com Мамлакатнинг Асосий қонуни барибир ўзбек жамияти томонидан хануз тамсил қилингани йўқ. Ушбу конституцияга кўра, “ҳокимиятнинг ягона ...
9 январ 2020
Агар сизга яқин бир неча ой ичида Ўзбекистонга бориш насиб этса, кўпроқ уч нарса ҳақида эшитишингизга тўғри келади.  Мулозимлар ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...