Асосий мавзулар
29 январ 2020

“Абу Сахий”нинг янги эгаси ëнғин чиқишини сабаб қилиб тужжорларни дўконидан айирмоқчи

Собиқ “Абу Сахий” бозоридаги дўконлари бузилишидан норози тадбиркорлар ғалаёни ортидан бозорнинг янги эгаси “Tashkent Trade Center” хусусий корхонаси 27 январь куни ўзининг телеграм каналида воқеага изоҳ берди.

“Tashkent Trade Center” изоҳига кўра, бозорнинг 1-блокида Фавқулодда вазиятлар вазирлиги (ФВВ) ва Тошкент шаҳри Ёнғин хавфсизлиги бошқармаси (ЁХББ)нинг «ёнғинга қарши камчиликларни бартараф қилиш ҳақидаги хулосаси» асосида реконструкция ишлари амалга оширилиши режалаштирилган.  

Реконструкция, яъни бозорнинг 1-блокидаги “контейнер дўконлар” ўрнига янги дўконлар қуриш режаси амалга ошгунга қадар дўкондорлар иш фаолиятини вақтинча тўхтатишлари ҳақида расман огоҳлантирилган.

Шунингдек, “Tashkent Trade Center” хусусий корхонаси дўкон эгаларига 2019 йилнинг декабрида қуриб битказилган савдо мажмуасининг ертўла қисмидан вақтинчалик жой олишни таклиф қилган.

«Элтуз»га келиб тушган, бозордаги ғалаён акс этган видеода айни талаб ва таклифлар дўкондорларни ғазабга келтирганини кўриш мумкин.

«Вазирлар Маҳкамасининг 16 ноябрдан кучга кирган қарори бор. Шу асосда тадбиркорнинг талаби устувор бўлиши керак. Ертўладан эмас, мулк эгаси хоҳлаган жойдан берилиши керак жой. Биринчи қаватни хоҳлаяпсизларми, биринчи қаватдан беришлари керак. Агар рози бўлмасаларинг келишув имзоси қўйилиши керак эмас», дейди видеода ўзини мулк эгаларидан бири дея таништирган эркак.        

Ўтган 2018 йилнинг 16 ноябрида Чилонзор тумани ҳокимлиги вакилларининг тадбиркорлар билан учрашувида ҳам айни норозилик билдирилгани ҳақида “Элтуз” мақола чоп қилган эди.

Исмини айтмаган, “Элтуз” суҳбатлашган дўкон эгаларидан бўлган бир аёлнинг айтишича, кўпчилик дўкондорлар мулки олиб қўйилиши ҳақида оғзаки огоҳлантирилган.

Бунинг сабабини бозор инфратузилмаси ўзгартирилиши мақсадида дўконлар бузилиши билан изоҳлашган. Бироқ тортиб олинадиган дўкон ўрнига на муносиб товон пули ёки янги дўконлардан бирини бериш ҳақида гап кетмаяпти.

“Менинг дўконим майдони 16 квадрат метр Дўконнинг мулк кадастр ҳужжатлари 2012 йилнинг апрелида номимга расмийлаштирилган. Дўконнинг бугунги кундаги нархи 100 минг долларга яқин бўлади. Лекин гап товон пули ҳақида ёки бозор ўрнида қуриладиган янги дўконларнинг бизга берилиши ҳақида кетмаяпти”, дейди савдогар аёл.

Норозилар, жумладан, инвестор билан учрашишни, мулк эгалиги қонуний ҳужжатлаштирилишини, бозор маъмурияти, мулк эгаси ва инвестор ўртасида манфаатлар акс этган уч томонлама шартнома тузилиши талабларини илгари суришмоқда.

Тошкентдаги “Абу-Сахий” бозори ва шу номдаги карго ширкатининг Ўзбекистон биринчи президенти Ислом Каримовнинг куëви Темур Тиллаевга тегишли бўлгани айтилади.

Eltuz.com

Тағин ўқинг
30 март 2016
30 март куни Чилонзор, 23-мавзе участка нозири, суд ижрочилари ва 10 га яқин, ўзини таништирмаган фуқаро кийимидагилар журналист 47 ...
30 апрел 2019
“2006 йилнинг ўрталаридан бошлаб Ўзбекистондаги ҳамма зоналар бошлиқлари биринчи ёрдамчиси этиб МХХ вакиллари тайинланади. Бунга 2005 йил май ойида ...
7 апрел 2017
Эркакларнинг доялик қилишини “шармандалик” дея атаган 42 ёшли тошкентлик имом хатиб Раҳматуллоҳ Сайфутдинов чақириғи ортидан вазирликка шикоят қилган Фарида ...
11 март 2016
7 ва 8 март кунлари жахоннинг кўзга кўринган пахта саноати корхоналари вакиллари, олимлар, сиёсатчилар, таниқли хуқуқбонлар ва журналистлар иштирокида ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...