Асосий мавзулар
1 июн 2022

Ўзбек маҳбусларига озиқ-овқатлар тўлиқ етиб бормаяпти

АCCА.media ёзишича, “Очиқ чизиқ” ташаббус гуруҳи ҳуқуқ ҳимоячилари маҳбуслар учун посилкаларда маҳсулотлар ноқонуний олиб қўйилиши ва маънавий камситилиши билан боғлиқ янги фактларни аниқлади.  

3-сон Қашқадарё вилояти, Шайхали колониясида жазони ўтаётган маҳкум Ойбек Камоловнинг онаси бу ҳақда маълум қилди. 

Зулфия Камолова ўғлига рўйхатдаги барча маҳсулотлар етиб бормаслигини бир неча бор аниқлаганидан сўнг қаттиқ дарғазаб бўлган.  

Охирги марта ҳатто қотган нонни (сухарик) олиб киришга ҳам рухсат беришмаган.  

У колония ходимларининг доимий сўкиниш,  ҳақоратли сўзларини ҳам яна бир муҳим муаммо деб билади.  

“Ойбекнинг бу шароитда қанчалик ожизлигини ва онасига нисбатан уяциз сўзларни тинглашга мажбурлигини,  унинг ғазабини тасаввур қилиш мушкул,  – дейди гуруҳ раҳбари Татяна Давлатова.  – Зулфия бу ҳақда бизга хабар берганида йиғлаб юборди.  Афсуски,  кўпинча қамоқхона ходимларининг қўполлиги ва одобсизлиги ҳақида шикоятлар кўплаб учрайди.  Бундай муносабат маҳкумларнинг руҳиятини бузади ва инсоний қадр-қимматига путур йетказади.  Ҳеч бўлмаганда бир марта кимнидир намойишкорона тарзда маъмурий жавобгарликка тортиш керак. 

Сўнгги йилларда Open Lined маҳкумлар ҳуқуқлари бузилгани ҳақида ўнлаб марта хабар берган бўлса-да, уларга Ички ишлар вазирлиги барчасига “фактлар тасдиқланмади” деган жавоб қайтарган.  

Жазони ижро этиш муассасаларида олиб борилаётган ишларнинг аҳамияти ва қонун бузилишининг далилларини йиғиш қанчалик қийин бўлмасин, уларни эътиборсиз қолдириш шунчалик осонлашиб бормоқда.  

2022-йил 24-май куни ИИВ Жазони ижро этиш бошқармаси бошлиғи Рустам Турсунов “Очиқ чизиқ”нинг тўрт нафар ҳуқуқ ҳимоячисини қабул қилди. 

Йиғилишда унинг қўл остидаги ходимларнинг ноқонуний хатти-ҳаракатларига оид бир қанча ҳолатлар муҳокама қилинди.  

Рустам Турсунов буни ҳал қилишга ваъда берди ва фаоллар билан ҳар чоракда бир марта мунтазам учрашув ташкил қилишни таклиф қилди. 

Зулфия 26-май куниёқ вилоят прокуратураси ходимларининг ташрифи ва Турсунов ходимлариниг хатти-ҳаракати анча ўзгаргани ҳақида хабар берди 

“Улар ҳатто ўғлимга сиз дея мурожаат қила бошлашди,  энди шикоят қилмасликни сўрашди”,  — деди Камолова.  

Татяна Давлатованинг сўзларига кўра,  у Жазони ижро этиш бошқармасидаги аҳвол ўзгарганидан мамнун,  аммо у муаммолар фақат юқори даражада ҳал қилинганидан афсусда эканлигини ҳам яшириб ўтирмаган. 

Ҳуқуқ ҳимоячиси Татяна Давлатова “Элтуз” нашрига берган интервюсида қамоқхона ходимлари томонидан маҳбуслардан озиқ-овқат ўғирланиши биринчи марта эмас,  мунтазам тарзда амалга ошириладиган оммавий ҳодиса эканлигини айтди.  

Қамоқхоначилар озиқ-овқат посилкасидан асал,  колбаса,  шоколад каби қимматбаҳо маҳсулотларни олиб чиқиб кетишади,  кейин етишмаётган килограммни пиёз ва картошка билан тўлдиришади,  – дея қўшимча қилган Давлатова.

Тағин ўқинг
15 январ 2021
Салом, азизларим. Ўтган галгидан кўра даврамиз яна кенгайганини кўриб севиндим. Яқиндагина 200 минг эдик. Мана, яна 4000 қўшилибди. Тўйда ...
27 апрел 2020
Жорий йилнинг 21 апрель куни Тошкентнинг Камолон маҳалласида шаҳарни босиб олган рус ҳарбийларига хотирасига бунёд этилган бутхона қайта тикланиб, ...
2 сентябр 2020
Профессор Кристиан Ласслетт Совет Иттифоқидан кейинги Ўзбекистоннинг биринчи президенти Ислом Каримов 2016 йил сентябрь ойида вафот этгач, ундан мураккаб ...
18 январ 2016
Улуғбек Ашур Eltuz.com Бугун Жиззахда ИШИДга алоқадорликда айбланаётган армани миллати ва насроний динига мансублиги айтилаётган жиззахлик Арамаис Авакяннинг суди ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...