Россияни тарк этиш…

У пайтлардаги катта кризис қаршисида ҳукумат ожиз эди. Мигрантларнинг келиб ишлашлари тугул, ҳатто маҳаллий халқ ҳам ишсиз, пулсиз юрарди. Бироқ, вақт ўтгач, тахтга Путин ўтирди ва унинг қўллаган политикаси эвазига Россия яна оёққа тура бошлади.

Мигрантларнинг Россияда пайдо бўлиши ҳам ўша Путин тузган режаларнинг бир қисми бўлиб, ушбу режа аста-секинлик билан иш бера бошлади. Улар анча ишларни ўз бўйнига олиб, «қора ишлар»ни сариқчақа эвазига бажариб келишяпти.

Эндиликда Россия яна оёққа турди, Москва дунёнинг энг бой шаҳарларидан бирига айланди ва табиийки, руслар ҳам бир неча йил аввал очлик ва пулсизлик мамлакатни забт этган замонларни тезда эсдан чиқариб юборишди. Уларга энди мигрантларнинг ҳам, Путиннинг ҳам кераги йўқ бўлиб қолди.

Шахсан ман Путиннинг тахтдан тушишинию, бу ерларга ишлагани келган барча мигрантларнинг чиқиб кетишларини жуда ҳам истардим. Зеро, ана ўшандагина 90-чи йиллар ходисалари такрорланиб, Россия ўз ўрнига тушарди ва халқнинг ҳам кўзи очиларди.

Темурмалик Тожиддинзода,
Eltuz.com