Асосий мавзулар
5 сентябр 2017

Масжидда бурни қонаганнинг барчаси Маҳдийми?

Самарқандлик икки ака-ука ҳақида эшитгандим. Ҳужра кўрган, исломий даъвоси кучли йигитлар эди. Тақдир тақозоси билан улар Суриядаги жангарилар сафига қўшилиб бир бирига қараб ўқ отишди.

Ака ИШИД сафига, ука эса Ал Қаеда тармоғининг бўлаги бўлган Жабҳатул Нусрага бориб қўшилди. Бу ака-укалар ҳозир тирикми ë йўқми, билмайман. Билганим шуки, минглаб ўзбеклар тентираб, Сурия ва Ироқ ҳудудларига бориб қолишган. Замбарак еми бўлган ватандошлар тақдирини ўйлаб мана буларни ëздим.

1979-йилнинг ноябрида 500 кишилик салафийлар гуруҳи ўзини “Маҳдий” деб атаган салафий Мухаммад Ал Қахтани исмли шайх бошчилигида Маккадаги “Масжид Ал Ҳарам” масжидини қуролли ҳужум билан босиб олиб, 6 мингга яқин кишини гаровга олди.

Жангарилар ўзларини “Маҳдийнинг аскарларимиз” деб атадилар. Саудия ҳукуматидан “Маҳдий”га бош эгишни, Америка ва Европа давлатларига нефт сотмасликни талаб қилишди.

Ҳукумат буни бажармади. Салафийлар ва Сауд аскарлари ўртасида 10 кун давомида қақшатгич жанглар давом этди. Сўнг Сауд хукумати Франциядан ёрдам сўради.

Француз спецнази 4 кунда Масжид Ал Ҳарамни террорчилардан тозалаб ташлади, 50-60 га яқин жангари тириклайин қўлга тушди. Осмондан бирор ёрдам келмади. Муҳаммад Ал Қахтанийнинг сўзлари ёлғон экани аён бўлди.

500дан ортиқ киши (жангарилар ва аскарлар) халок бўлди. Тирик қолган жангарилар кейинроқ катта майдонда чопилди.

Мен ўз йўлбошчисини “Маҳдий экани”га ишониб, кўкдан мўъжиза кутган салафийларнинг ўшандаги аҳволини тасаввур қиляпман…

Бугун ҳам “Аллоҳнинг шариатини тиклаймиз, Ҳалифалик қурамиз” деган хомҳаёл билан Ироққа кетган минглаб ўзбек жангариларининг Тал Афар шаҳри ертўлаларида ўз ўлимини кутиб яшаётган оилалари ҳам бугун 1979 йили катта майдонда чопилган жангариларнинг аҳволида.

На кўкдан, Абраҳанинг аскарини йўқ қилган қушлар, тош ташлаб, Ироқ аскарларини йўқ қилди, на осмондан фаришталар оқ отларда келди…

Бугун ўлим кутаётган ўзбекларни оилалари билан Ироққа, – “Исломий гўзал ҳаётга” чақирган араблар ташлаб қочишди. Ортга йўл йўқ, жангарилар қатл этилиши аниқ, лекин уларнинг болаларида нима айб?

Жангариларнинг бизга кераги йўқдир, лекин отасининг аҳмоқлиги туфайли Ироқ ертўласида ётган ўзбек болаларини сақлаб қолишнинг иложи бормикан?

Бахром Рахмон
Ўш. Қирғизистон
Eltuz.com

Тағин ўқинг
3 ноябр 2017
Сўнгги вақтларда рус мулозимларининг Ўзбекистонга ташрифлари кўпайди. Шу кунларда Россия бош вазири Дмитрий Медведов юртимизда бўлиб турибди. МДҲ мамлакатлари ...
3 август 2016
“Аҳмадбой Чиназский” ники остида фейсбукда микроблог очган шахснинг таъкидлашича, катта молиявий фирибгарликда Аҳмадбой иккинчи даражали шахсдир. “3-4 йил аввал ...
4 октябр 2018
Дубайдаги қимматбаҳо меҳмонхонага 2 октябрда келиб жойлашган Гулнора Каримова аслида россиялик миллиардер Сулаймон Каримовнинг қизи қизи экани билдирилмоқда. Бундан ...
5 апрел 2019
Жорий йилнинг 8 февралида ишдан олиниб, устидан жиноят иши очилган ДХХ собиқ раиси Ихтиëр Абдуллаев 4 апрель куни уй ...
Блоглар
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...