Кўзқараш
29 сентябр 2017

Журналист Бобомурод Абдулла Тошкентда бедарак йўқолди

Бугун ижтимоий тармоқларда Тошкентлик 44 ёшли журналист Бобомурод Абдулланинг бедарак йўқолгани ҳақида ҳавотирли хабарлар тарқала бошлади.

29 сентябр куни унинг хотини Катя Балхибаева билан гаплашганимда, Бобомуроднинг ёнида телефони борлиги, бироқ у 27 сентябр куни соат 5.30 дан бери жавоб бермаётгани, нима қилишни билмаётганини айтди.

Балхибаеванинг “Элтуз” мухбирига билдиришича, 27 сентябр куни тушдан кейин, машинасини тузатиш учун устага бориб келаман дея, чиқиб кетганича қайтиб келмаган. Айни мақола чоп этилаётган пайтда, тушдан сўнг у милицияга ариза ёзишга кетаётганини билдирди.

Бобомуроднинг мен билган дўстлари ва бошқа яқинлари орқали ижтимоий тармоқлардан қидиришга уринишим ҳам самарасиз якунланди.

“Абдулла Ўтаев, Абдували Қори СНБ ходимлари томонидан қандай ўғирланган бўлса шундай ўғирланди, деган жиддий бир гумон бор”, дея ёзди уни яқиндан билган ҳамкасбларидан бири.

Қайсар ва ҳалол журналист

Шахсан мен Бобомурод Абдуллани, узоқ вақтлардан бери бирга ишлаганим учун, ниҳоятда тўғри ва ҳалол журналистлардан бири сифатида билардим.

Бир ҳафта бурун гаплашганимда, уни ҳеч қаерга ишга олишмаётгани, тирикчилик қилиш қийин бўлиб қолганини айтган эди.

Айни қайсар ва тўғрилиги учун 2002 йили “Озодлик”нинг ўша пайтдаги директори Азиз Жўраевнинг цензура сиёсатига қарши бош кўтариб, ишдан кетганини биламан.

Ундан олдин 2000 йили “Интерньюс” халқаро ташкилоти рахбарининг ҳукуматга муросаси боис лойиҳадан четлатилганди.

Шуни очиқ айтиш керак, 1999 йилнинг охирида Тошкентда ташкил этилган “Сайёр журналистика мактаби”да у ўзини журналистика бўйича тажрибали мураббий сифатида кўрсатган.

Унинг 30 нафарга яқин шогирдлари ўша пайтда хали ўрта мактабнинг битирувчи синф ўқувчилари эди.

Мен Фарғона вилоятидаги эски “Пионерлар уйи”да жойлашган синф хонасига кириб борганимда, унинг шогирдлари журналистиканинг асосий тамойиллари нимадан иборат эканини битта-битта туриб айта бошлаганида мен қойил қолганман.

Ўсмир ўқувчилар ўшанда, ўқув дастури доирасида қилган репортажларида вилоятнинг жиддий муаммоларига қўл уришганди.

У ўз шогирдларига холисликни, бетарафликни, заифлар овозига қулоқ тутишни ўргатган.

Кейинги пайтларда Бобомурод шеърлар ёзиб унга қўшиқлар ҳам басталай бошлаган эди. Ютуб каналида эълон қилган сўнгги қўшиғи сатрлари гўё унинг таржимаи ҳолидек янграйди.

Бобомурод Абдулла 1973 йилнинг апрелида Хоразм вилоятининг Қўшкўпир туманида туғилган. “Хоразм” футбол жамоаси матбуот котиби бўлган.

1995 йил ТошДУнинг филология факультетини тугатган, “Стадион” газетасида спорт шархловчиси ва эркин журналист бўлган.

Бобомуроднинг хотини Балхибаева Катя, касбига кўра олий маълумотли инглиз тили муаллимаси экани, бироқ кейинги кунларда ноаниқ сабабларга кўра на уни, на эрини ҳеч қаерга ишга олишмаётганини айтди.

“Элтуз” нашри журналист Бобомурод Абдуллаевнинг Тошкентда бедарак йўқолгани юзасидан воқеаларни кузатишда давом этмоқда.

Қудрат Бобожон
Eltuz.com

Тағин ўқинг
19 сентябр 2016
16 сентябр куни Ўзбекистондаги ЎзЛиДеп партиясидан мамлакат вақтли президенти Шавкат Мирзиёевнинг номзодини илгари сурилганди. Унинг ортидан расмиятчилик учунгина кўрсатиладиган, ...
8 январ 2016
Биз собиқ банкир, моҳир тадбиркор, эндиликда эса сиёсий маҳбус Рустам Усмоновнинг китобидан парчалар эълон қилишни давом эттирамиз. 1998 йилда, ...
6 апрел 2017
Шу йилнинг бошида жаҳон экранларига чиққан «Машхурликка йўл» (Sing) фильми катта ва кичик ёшдаги томошабинларнинг назарига тушди. Фильмда, катта ...
18 ноябр 2016
Ўзини аввалига Сабрина деб таништирган 22 яшар Ўзбекистон ватандоши Муштарий. С дугонаси асли озарбайжонлик 23 яшар Латифа Мамедова билан ...
Блоглар
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...