Асосий мавзулар
2 октябр 2017

Ҳийлаи шаръий – мажбурий пахта теримини қонунийлаштиришга уриниш

Маҳаллий ҳокимлар пахта териш учун тайёр қуллар ҳисобланмиш бюджет ташкилотлари ходимлари мажбурий меҳнатини “қонунийлаштириш”нинг янги ва янги усулларини кашф қилмоқда.

Масалан, Андижон вилояти ҳокими Ш.Абдураҳмонов пахта фронтига қўшимча ишчи кучларини сафарбар қилишнинг янгича усулларидан бирини тезда амалиётга жорий қилишга ҳам улгурди.

Ҳа, тиниб-тинчимас ҳоким-эй, нималарни ўйлаб топмайди-я! Унинг фикрича, бу ҳийласини камида 10 йил давомида президент Шавкат Мирзиёев ҳам билмай ўтади.

Қўшимча ёлланма ишчиларни топа олмаган ҳоким Ўзбекистон ҳудудида мажбурий меҳнат тақиқлаганига қарамай, бюджетчиларни пахтга ҳайдашнинг уддасидан чиқяпти.

Энди ҳокимнинг кўрсатмаси билан амалга оширилаётган бу “ҳийлаи шаръий”нинг мазмун-моҳиятини очиб берсак.

Мактабларда 6-синфгача бўлган ўқувчиларни синф раҳбарлари: “Ҳар бир кило пахта учун битта беш баҳо қўямиз”, деб алдаб ётибди.

Мактаб ўқитувчиларига эса дарсдан кейин тўғри пахта даласига бориб “уюшмаган аҳоли” сифатида пахта териш буюрилган.

Биров кимлиги сўраса, улар ўқитувчилигини айтмайди, уюшмаган аҳоли бўлади-қўяди. Акс ҳолда ишдан ҳайдалиши айтилган уларга.

Бу “ҳийлаи шаръий” ўқувчилар билимига қанчалик салбий таъсир этиши билан ҳеч кимнинг иши йўқ. Асосийси, пахта териб олинса бўлди.

Ҳокимнинг президент олдида “юзи ёруғ” бўлишининг ўзи ёшларнинг келажагидан кўра каттароқ аҳамиятга эга.

“Уюшмаган аҳоли” қаторига энди ўқувчиларнинг ота-оналари ҳам тортиляпти. Ҳар бир синфдан уч ота ёки она пахтага чиқиши, агар чиқмаса, 15 минг сўм тўлаб, ўз ўрнига мардикор жўнатиши мажбурияти юкланган.

Мажбурий меҳнат деган “миллий қадрият”дан лицей ва коллеж ўқитувчилари ҳам бебаҳра қолгани йўқ. Улар ўз ҳамёнидан пул тўлаб, мардикор ёллаши шарт.

Бундай вазиятда мардикорнинг ошиғи олчи тушди. Илгари ўн кунга 200 мингга кўнаётган мардикорлар вилоят ҳокимининг оғзидан 18 ёшгача бўлганларни мажбурий меҳнатга жалб этиш жиноят эканини эшитганидан сўнг 400 минг сўмга зўрға розилик беряпти.

“Уюшмаган аҳоли” тоифасига зўрлаб тиқилган Асака автомобиль заводи ишчилари ҳам ҳокимнинг “дуоси”да.

Тошкентдан келадиган текширувчилар ҳам “уюшмаган аҳоли” ғайрат билан пахта тераётганини кўриб, балли дейишдан нарига ўтаётгани йўқ.

Шунча йиллардан бери иш бериб келаётган “ҳийлаи шаръий” бу йил ҳам ҳокимларни уялтириб қўймайдиган кўринади!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
24 апрел 2017
“Ялла” гуруҳининг собиқ солисти бўлган Наргиз Байхонова 24 апрел куни Тошкентнинг Чиғатой қабристонига дафн этилди. 70-80 йиллар ўзбек эстрадаси ...
14 апрел 2018
Россия Давлат думаси 13 апрель куни АҚШнинг навбатдаги санкцияларига жавоб лойиҳасини тайёрлади. Interfax хабарига кўра, қонун лойиҳасида АҚШ ширкатларини ...
29 январ 2018
Тошкент шаҳри марказидаги модерн меъморчилик намунаси бўлган Киночилар уйи ва бошқа биноларнинг бузилиши Давлат архитектура ва қурилиш қўмитаси раисининг ...
22 январ 2019
Афтидан Ахборот технологиялари ва коммуникациясини ривожлантириш вазирлигидагиларнинг юмор ҳисси кучли. Интернетдан тўсиб қўйилган, илгари VPNсиз кириб бўлмайдиган сайтларнинг ишлаб ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...