Cатира
20 феврал 2018

Аҳмадбой: «Мен ҳеч қачон халқни алдамаганман, бировнинг ҳақини емаганман»

Фирибгарликда айбланаётган чинозлик тадбиркор, 40 ёшли Аҳмад Турсунбоев ва унинг шерикларига 16 февраль куни жиноят ишлари бўйича Тошкент вилояти судида сўнгги сўзни айтиш имкони берилди.

«Мен фуқароларни алдамаганман. Одамлар ўз хоҳишлари билан пулларни олиб келган. Мен деҳқончилик, қассоблик ва чорва билан шуғулланганман. Мен ҳеч қачон халқни алдамаганман, бировнинг ҳақини емаганман. Шу ёшимгача ҳеч қачон инсонларни алдамаганман», деди Аҳмадбой суддаги сўнгги сўзида.

Ижтимоий тармоқдаги аксарият юзерлар пулига куйганлардан ҳам кўра Аҳмадбойни кўпроқ ёқлашмоқда.

«Қайсидир оч мешқорин амалдорлар пулни ўғирлаш мақсадида Аҳмадни синдиришди, лекин номардлар билишмидики бировнинг ҳақи буюрмаслигини, ўзига бўлмаса-да, бола-чақасидан тешиб чиқишини! Аҳмадбойга тегиш керакмасди, қанча бечораларга ёрдам берган, халқнинг дуосини олиш ҳамманиям қўлидан келмайди…», дея ёзди фейсбук юзери Наргиза Исмоилова.

Изоҳлар ичида ҳатто «Аҳмадбойни аслида молия вазири қилиш керак эди», деган фикрлар ҳам бор.

«Молодец, Аҳмад ака, одамлар ўзи очкўз ва аҳмоқ бўлса, ундан фақатгина унумли фойдаланиш керак», дея фикр билдирди Гулчеҳра Пардаева исмли юзер.

Лекин ҳаммаям Аҳмадбойни оқлаётгани йўқ.

«Нимага алдамайди? Ғирт муттаҳам, унинг пулини бунга – уникини бунга берса? Ҳақиқий мошенник, фуфложник. Бунақа эшшакларни 50 йилга қамаш керак, шундайлар камайиши учун», дея фикр билдирди фейсбукда Санжар Қосимов.

Чиноз «Авто Ҳамкор» ширкати раҳбари Аҳмад Турсунбоев устидан Ўзбекистон Жиноят Кодексининг 165-моддаси (товламачилик), 168-моддаси (фирибгарлик) ва 170-моддаси (алдаш ёки ишончни суиистеъмол қилиш йўли билан мулкий зарар етказиш)бўйича жиноят иши очилган.

Шунингдек, Турсунбоев 177-модда – валютани қонунга хилоф равишда олиш ва 178-модда – чет эл валютасини яшириш бўйича ҳам айбланмоқда.

Молиявий пирамида яратганликда айбланаётган Аҳмадбой 2016 йилнинг июнь ойи ўрталарида қамалган, унинг уйидан 13 миллиард сўм ва 12 миллион АҚШ доллари чиққан эди.

Миллионлардан навбатдаги молиявий пирамидани яратган Аҳмадбойни рассом Кирпи бегуноҳ бир фаришта тимсолида акс эттирди.

Рассом Кирпи
Eltuz.com

Тағин ўқинг
19 феврал 2019
Бу гап пойтахтнинг Мирзо Улуғбек туманидаги рус тилли аҳолининг Тошкент ҳокими Жаҳонгир Ортиқхўжаев билан 18 февраль кунги учрашуви пайтида ...
9 апрел 2018
9 апрель куни фейсбук ижтимоий тармоғида пайдо бўлган, Ўзбекистон давлат байроғи фонида тўппончани мушукка тираб турган эркак фотоси мушуксеварлар ...
8 октябр 2015
Афғон-туркман чегарасидаги хавфсизлик, Ўзбекистоннинг ёнилғи эҳтиёжлари ва Россиянинг кун сайин тажовузкор тус олаётган геосиёсати Тошкент- Ашхобод мулоқотида кўрилиши кутилган ...
7 май 2021
(Шоир ва сиёсатчи Муҳаммад Солиҳнинг “Императив” китобининг 25-қисми. Матннинг аудиоверсиясини муаллифнинг ўзи ўқиган. Аудиокитобнинг боши ва олдинги қисмлари “Элтуз”нинг ...
Блоглар
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...