Танқид қилмайдиган матбуотга жанозани ким ўқийди?

Президент Мирзиёев 23 март кунги йиғилишда матбуотни мақтамасликка, бор ҳақиқатни кўрсатишга чақирди.

«Мақтаманглар. Мақтайдиган даврлар ўтиб бўлган. Раислар билан бирга юриб, борини кўрсатиш керак. Ёмон бўлса, қаттиқ танқид қилинглар», деди Шавкат Мирзиёев қишлоқ хўжалиги соҳасига бағишланган видеоселекторда матбуот, телевидение, радио журналистларига қарата.

Секс (жимо) пайти турк сериаллари қаҳрамонлари ҳақида ўйламаслик кераклиги ҳақидаги гапини рўй-рост кўрсатгани ва бу фикрлар танқидига ҳам ўрин бергани учун тошкентлик имом Раҳматуллоҳ Сайфутдинов 9 март куни «Озодлик» радиосига жаноза ўқиган эди.

«Бугун ҳукуматнинг танқидга бўлган позицияси ўзгаряпди. Эҳтимол, танқид қилмайдиган, воқеаларни рўй-рост кўрсатмайдиган ва фақат мақтайдиган матбуот ва радио устидан жаноза ўқиш керакдир?» дейди рассом Кирпи.

Рассом Кирпи
Eltuz.com