Асосий мавзулар
29 март 2018

Алам қилди

Россиянинг Кемеровосидаги “Қиш олчаси” (Зимняя Вишня) савдо-истироҳат марказида юз берган фожеа Қозоғистоннинг Оқтўбасида автобусда 52 нафар ўзбек тиклайин ёниб кетгани воқеасидан нимаси билан фарқ қилади?

Ҳар иккиси ҳам улкан дард, миллионлаб инсонлар қалбини жунбушга келтирган ўта қайғули фалокат.

Фақат руслар ўз қурбонлари учун умуммиллий мотам эълон қилди. Ўзбеклар эса шу куни телеканаллару радиоларида вадаванг қилиб концерт берди.

Шуниси алам қилди. Уларнинг қурбонларининг қадри бизникилардан кўра шунчалик баландми?

Салкам 150 миллионлик Россия етмишга яқин қурбон учун мотам тутди. 32 миллионлик Ўзбекистон учун эса мамлакатда мотам тутиш учун 52 ватандош камлик қилди гўёки.

Буни фақат қиёслаш учун айтяпмиз. Зеро, ҳатто бундай фожеаларда битта ўлим ҳам қайғули.

Россиянинг ҳукумати бизникидан кўра фаросатлироқмикин?! Ёки бундай катта фожеаларни кўриб, кўзи пишиб, қачон қандай ҳаракат қилишга кўникиб қолганмикин?

Аслида бизникилар бундай қурбонликларга кўникиб қолишидан яратганнинг ўзи асрасин. Шу 52 юртдошнинг ўлими ҳам қанчаларнинг қаддини дол қилди.

Тўғри, ҳукуматимиз бир вақтлардагидек миллионлаб мардикорларни ялқовликда айблаб, дунёга кулги бўлгани йўқ. Қурбонларнинг яқинларига елкадош бўлишга уринди.

Аммо вилоят ҳокими номард чиқди. Ўлганнинг устига тепган қилиб, шу фожеа сабаб бутун бир туман аҳолисини ҳароми деб ҳақоратлади.

Россиялик ҳоким митингга чиққанларни провокаторлар дегани учун бугун салкам ярим Россия унинг истеъфосини талаб қилиб ётибди.

Битта-иккита зиёлини айтмаса, бизникилар ўзимизнинг валломат кўрсатган “ҳунар” ортидан овозини ҳам чиқармади. Овозини чиқарган айрим журналистлар эса ҳокимни оқлаш билан овора бўлди.

Ҳолимизга ачиндим.

Лекин битта савол қийнайди: ўзбекнинг қадри шунча пастми?

Баҳодир Шариф
eltuz.com

Тағин ўқинг
27 апрел 2022
Хоразм вилоятининг Хива шаҳрида 25 апрел куни Лазги халқаро рақс фестивали бошланди. Дунёнинг 30 дан зиёд мамлакатларидан келаётган меҳмонлар ...
8 феврал 2021
Самарқанд вилоятининг Пастдарғом туманидаги Боғишамол қишлоғига ҳали-ҳамон XXI аср шабадаси етиб борганича йўқ. Электр энергияси, газ бир ёниб, бир ...
13 сентябр 2016
Агар Сиз ёки яқинларингизни пахта теримига қатнашишга мажбурлашса, агар Сиздан пахта теримига бормаслик учун пул талаб қилишса, марҳамат, бу ...
23 ноябр 2022
Швецияда 2013 йилдан бери Россия фойдасига жосуслик қилган ўрис эр хотин қамоққа олинди. 1990 йиллар охирида Швецияга кўчиб келган ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...