Cатира
26 апрел 2018

Тошкентда бегона урушнинг русча ашуласи куйланди

Ўзбекистон мудофаа вазирлиги ансамбли артистлари Тошкент метросида 9-майга кунига атаган акцияларни бошлашди ва бунга қарши россияпарастлик тадбирини тўхтатиш чақириқлари пайдо бўлди.

25 апрел куни тарқалган видеода артистлар, Россиянинг Украина шарқидаги уруш ҳаракатлари ва Қрим оккупациясини эслатувчи «Георгий ленталари» ҳам акс этган.

Иккинчи жаҳон уруши даври рус ҳарбийлари формасидаги артистлар метро станцияларида уруш қўшиқларини куйлашади.

«Бу уруш – биз учун бегона уруш эди. Бу урушда юз минглаб ватандошларимиз қурбон келтирилди. Энди эса бегоналар ғалабасини байрам қилишни бизга таклиф қилишмоқда» деди таниқли ўзбек кинорежиссери Абдулазиз Маҳмудов «Элтуз» мухбири билан суҳбатда.

Анвар Назир, Фаҳриддин Тожимурод ва яна ўнлаб шахслардан иборат ўзбек фаоллари гуруҳи рус мустамлака сиёсатини тамсил қилувчи акцияларни тўхтатиш юзасидан, президент Шавкат Мирзиёевга мурожаат ташаббуси билан ҳам чиқишди.

«Советларнинг мустамлака тизимида қолган халқимиз сиёсий тақдири Иккинчи жаҳон урушининг ибтидоси билан ҳам, хотимаси билан ҳам мантиқан боғланмаган…» дейилади жумладан имзолар йиғилаётган мурожаатда.

Таниқли ўзбек кинорежиссери Абдулазиз Маҳмудов метролардаги тадбир, оддий одамлар ташаббуси билан қилинаётганига шубҳа билдиради.

«Бу акциялар, афтидан президент Шавкат Мирзиёевнинг изнисиз ҳам бўлмаяпти. Зотан Мирзиёевнинг ўзи мамлакат Қуролли кучлари Бош қўмондони ҳамдир.

Биз замбарак еми ўрнида бегуноҳ ўлдирилган одамларни хотирлашимиз мумкин, лекин бу кунни байрам қилиб, «Катюша»га рақсга туша олмаймиз. Қўшиқ сатрларига эътибор беринг:

Олма-ноклар гуллади,
Дарё устини эса туман қоплади!
Ва қирғоққа чиқди Катюша
Энг баланд ва тикка қирғоққа…

Ахир бу Россия баҳори манзарасику, ўзгалар туманида адашишдан қўрқмайсизми жаноб президент?» дея хитоб қилади Абдулазиз Маҳмудов президентга.

Мудофаа вазирлигининг метро станцияларида Россия урушига бағишланган акцияси 9-майга довур тўхтовсиз давом этиши билдирилган. Рассом Туз эса ўз истилочиларини соғиниб, «Катюша»ни куйлаётган ўзбеклар расмини чизди.

Рассом Туз
Eltuz.com

Тағин ўқинг
23 сентябр 2016
21-22 сентябр кунлари Бувайда туманидаги шифохонага бирин кетин туманнинг иккита коллеж буфетидаги пишириқларда захарлангани иддао қилинган ўқувчилар келтирилган. Туман  тиббиёт ...
19 декабр 2016
Таниқли хонанда Озода Нурсаидова 17 декабр куни ўзининг инстаграмм саҳифасида Шавкат Мирзиёевдан кечирим сўраши ҳақида ёзди ва сайловда унга ...
31 август 2018
Тунги клуб қўриқчилари билан пичоқлашувда 8 август куни тошкентлик спортчи Жамшид Кенжаевнинг ўлими ортидан мамлакатда «тозалаш» ишлари бошлаб юборилди. ...
23 феврал 2017
23 феврал куни бир бирига туташ кўп қаватли биноларда йирик ёнғин юз берди. Ёнғин Чилонзор туманидаги, «Мирзо Улуғбек» метро ...
Блоглар
18 январ 2019
Ўзбек матбуоти Бухоро вилоятининг Олот тумани ҳокими Шерали Саломов йиғилишда фермер Ориф Дурматовни калтаклагани ва ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...