Cатира
8 май 2018

Бобомурод озод, бироқ айбдор…

Сўнгги 60 кун давомида ижтимоий тармоқдаги ўзбекларнинг фаол қисми Бобомурод бошчилигидаги «давлат тўнтарувчи»ларига қарши драматик жараёнларни кузатди.

Бобомуроднинг дўстлари, журналистлар, халқаро кузатувчилар унинг МХХ ҳибсхонасида кечирган юракни ларзага солувчи уқубатларини тинглашди.

МХХ терговчилари тақдим этган, давлатни ағдариш режаси акс этган, «Ўрим» дея номланган амалиёт ҳақидаги ҳужжатни ўқиб бошлашлариданоқ, бу ишнинг уйдирилгани аён бўлди.

Ўтган йилнинг сентябрида Бобомуродни ҳибсга олишган пайти МХХ ходимлари афтидан қонуннинг уларга мутлақо дахли йўқлигини ҳис қилишган.

Нодир Тўрақулов бошчилигидаги тергов гуруҳи айблов учун тузукроқ далил қидиришни ўзига эп ҳам кўрмаган.

Суд кутилмаганда очиқ ўта бошлади, судья Зафар Нурматов ўзини нисбатан масъулиятли тутди, ўз ишининг билимдони бўлган адвокат Сергей Майоров эса қўрқмасдан Бобомуродни ҳимоя қилиш учун барча ҳуқуқий имкониятларини ишга сола бошлади.

Ниҳоят, Бобомурод суд залидан озод этилди. Дастлабки ҳаяжонлар босилди. Демак журналистни у қилмаган жиноятларда барибир айбдор деб топишгани ҳақида ўйлаш пайти келди.

Бобомурод тарафидан конституцион тузумга тажовуз содир этилмаган. Адвокат Майоров айтганидек: У ҳеч қандай жазога лойиқ эмас».

Бобомуроднинг аввал кутилганидек 20 йил эмас, балки бир ярим йил давомида ойлигининг 20 фоизини ушлаб қолиш шарти билан ахлоқ тузатиш ишларига жалб этилиши ўзбек судлов тизимининг компромисс қарори дея қабул этилди.

Бундан ташқари, суд унинг компьютерларини синдириб ташлаш ҳақида ажрим чиқарди. У келаси бир ярим йил ичида ҳар куни милиция назоратидан ўтиб туриши керак.

Бироқ ярим йил давомида МХХ ходимлари томонидан Бобомуродга етказилган азоблар, қийноқлар ва хўрликлар товонини ким тўлайди?

Бобомуроднинг озодликка чиқиши унинг оиласи ва дўстлари учун жуда муҳим, бироқ Ўзбекистондаги суд тизимининг компромисс эмас, қонуний қарор чиқаришига эришиши муҳимроқдир.

Умида Ниёзова
Ўзбекистон-Германия инсон ҳуқуқлари форуми раҳбари
Eltuz.com

Тағин ўқинг
3 январ 2017
Қорасувлик Яхë Машрабов Бишкекка учиб келди, уни сўроқ қилган қирғиз расмийлари Машрабовнинг террорга алоқаси йўқлигини айтишди. Қирғизистонлик бундан илгари ...
29 октябр 2016
Исми ва тумани сир тутилган Фарғона вилояти туманларидан бирининг мутахассиси Eltuz.com мухбирига Бош вазирнинг виртуал қабулхонасига тушаётган аризалар бўйича ...
24 май 2018
Расмий тақдимоти ўтказилмаган бу клипда Шерали Жўраев совет юқори номенклатурасининг севимли улови бўлган “Чайка” автомобилини ëлғиз бошқаргани акс эттирилади. ...
20 феврал 2017
Андижондаги тижорат дўконларида одатда одамлар баҳор пайти уйда пиширадиган сумалак сотила бошланди. Баъзи одамлар бу таомни сотиб олиш имкони ...
Блоглар
18 январ 2019
Ўзбек матбуоти Бухоро вилоятининг Олот тумани ҳокими Шерали Саломов йиғилишда фермер Ориф Дурматовни калтаклагани ва ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...