Татьяна Каримовадан сўнг 16 йил ўтиб…

Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан бирида Ўзбекистоннинг биринчи хоними Капитолийдаги ёдгорлик тошига қараб фикр қилаётгани акс этган.

Зироатхон Ҳошимова эри, Ўзбекистон президенти Шавкат Мирзиёевнинг 15-17 май кунлари АҚШга расмий ташрифи чоғида унга йўлдош бўлди, Трампнинг 48 ёшли хотини Мелания хоним эса касаллиги боис унга пешвоз чиқа олмади.

Ҳар икки мамлакат матбуоти бу ташрифни тарихий дея баҳолади, мамлакатлар ўртасидаги муносабатлар қайта илиқлашгани айтилди.

Гарчи Америка-Ўзбекистон муносабатлари анча илгари, 2000-йилларнинг бошларида Ислом Каримов даврида қуюқлашганди.

Россиянинг «Коммерсантъ» газетаси қизғончиқлик билан Ўзбекистоннинг «асал ойи» дея баҳолаган айни даврда мамлакатда АҚШ ҳарбий базаларига асос солинганди.

АҚШ-Ўзбекистон муносабатлари 2005 йилнинг 13 майида Андижондаги тинч намойишнинг қонли бостирилиши ортидан совуқлашди.

Шундан сўнг Ўзбекистонни кўплаб журналистлар, АҚШ демократик институтлари тарк этди.

Бироқ бугунга келиб президент Мирзиёевнинг ташрифи чоғида Андижон фожеаси эсланмади, марҳум президентнинг расмий сафарларида ҳамроҳ бўлган хотини Татьяна Каримова ҳам.

Рассом Туз Ўзбекистон биринчи хонимининг Капитолий майдонида ўрнатилган ёдгорлик тоши ёнидаги ички кечинмаларини ўзича акс эттиради.

Рассом Туз
Eltuz.com