UzPoster
23 июл 2018

Месут Ўзил ирқчилик боис терма жамоани тарк этди

“Арсенал” клуби ярим ҳимоячиси, 29 ёшли Месут Ўзилнинг турк эканлиги Германиянинг жаҳон чемпионатидаги омадсизлиги боис, унинг юзига солинди.

«Агар ғолиб чиқсак – биз немис, ютқазcак келгиндимиз», – дея ёзди у ўз твиттерида.

Асли Германияда туғилган Ўзил бу мамлакат терма жамоасида тўққиз йил давомида тўп суриб, 23 гол киритган. 2014 йилги жаҳон кубогида мамлакатнинг олтинга сазовор бўлишида ҳам Ўзилнинг ҳиссаси катта.

Немис термасидаги турк ўйинчилари, жумладан, “Арсенал”даги Месут Ўзилдан ташқари “Манчестер Сити” ярим ҳимоячиси Илкай Гундўғон ва “Эвертон” ҳужумчиси Сенк Тўсин шаънига ҳам жаҳон чемпионатидаги мағлубият боис маломатлар ёғилган эди.

Зиддиятга сабаб бўлган Эрдўғон билан тушган суратини атай эълон қилганига шаъма қиларкан, Ўзил:

«Мен ортиқ гуноҳ эчкиси бўлишни истамайман. Чунки (Рейнҳард Гриндел DFB президенти. Элтуз) ўз ишини эплолмади. Шу расмни қўймасам ҳам жамоадан мени ҳайдашини билардим», дея ёзди у.

Футбол юлдузи илгари немис майкасини ифтихор билан кийгани, бироқ бошқарув персоналидаги миллатчилик ва ҳурматсизликдан сўнг ортиқ бундай қила олмаслигини билдирди.

“Гарчи Германия менга кўп нарсалар берди ва бу юртда кўп яхши инсонлар бор!” дея ёзди Месут Ўзил ижтимоий тармоқда қолдирган баёнотида.

Eltuz.com

Тағин ўқинг
11 апрел 2019
“Элтуз” нашри Муҳаммад Бекжоннинг “Қўрқувнинг нариёғида” (Алвидо, Жаслиқ!) иккинчи китобининг аудио версиясини тақдим эта бошлайди. “Бу китоб “Ўзбекистон қамоқхоналарида ...
22 март 2018
Бандлик ва меҳнат муносабатлари вазирлиги Томорқа вазирлигига айлантирилади. Бу ҳақда Ўзбекистон президенти Шавкат Мирзиёев 17 март куни Самарқанд вилояти ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи вилояти Хатирчи тумани Лангар ...
15 июн 2017
Ташқи ишлар вазири Абдулазиз Комиловнинг дипмиссия ходимлари ва рахбарлари билан биргаликда режалаган халқ билан тўғридан-тўғри мулоқоти кутилмоқда. Вазирлик сайтида ...
Блоглар
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...