Асосий мавзулар
23 октябр 2018

Россиянинг МГИМО филиали хавотири

Ўзбекистонда хорижнинг нуфузли университетлари филиаллари очилиши кўпчиликни қувонтиради. Ҳар ҳолда бу филиалларда таълим сифати, билим бериш даражаси маҳаллий олий ўқув юртларидагидан яхшироқ бўлади.

Аммо Россия президенти Владимир Путиннинг Тошкентга расмий ташрифи доирасида Ўзбекистонда Москва давлат халқаро муносабатлар институти – машҳур МГИМОнинг филиали очилиши ҳақида битим имзолангани назаримизда аксариятимизни ҳушёрлантириши керак.

Ҳушёр тортишимизга эса сабаблар бисёр. Аввало, МГИМОнинг қандай олийгоҳ эканини соҳани тушунадиган кишилар яхши билади.

Яъники бу институт Россия ташқи сиёсатини юритувчи кадрлар тайёрлаб беради. Бундан ортгани ҳам Россиянинг бошқа идораларида ташқи алоқаларга оид масалалар билан шуғулланувчи кадрлар бўлиб етишади.

Ўз-ўзидан, бу институт битирувчилари Россия разведкасида алоҳида ўрин тутади.

Энди шу институт Ўзбекистонга кадрлар тайёрлаб бермоқчи.

Мана шунисидан ҳушёр тортмоғимиз даркор назаримизда. Эртага ташқи сиёсатимиз жилови Россия тайёрлаган кадрлар қўлида қолишидан хавфсирашимиз керак.

Унутмайлик, Россиядан табиатидан келиб чиқилса, у албатта бу институт талабаларидан ўзи учун айғоқчилар ясашга уриниб кўради.

Тўғри, бошқа соҳа одамларини ҳам ёллаш амалиёти бор. Лекин МГИМО талабалари айнан ташқи сиёсат кадрлари сифатида тайёрланишини ҳисобга олганда, уларни ёллаш руслар учун фойдалироқ бўлади.

Балки Ўзбекистон бу филиални битирганларни ташқи сиёсат идорасига яқинлаштирмайди, улардан бошқа идораларнинг халқаро алоқалар бўйича мутахассислари сифатида фойдаланар, деб ҳисоблайлик.

Хўш, бу идораларимизда давлат сири бўлмайдими?

Ўзбекистонда Россиянинг аграр соҳага ихтисослашган олийгоҳлари филиал очса яхши. Металл қотишмалари бўйича мутахассис тайёрлаб берса ҳам яхши.

Аммо ташқи сиёсат бўйича кадрларни тайёрлашни Россия институтига ишониб топширишни яна бир бор чуқур ўйлаб кўриш керак назаримизда.

Қолаверса, ўзимизда ташқи сиёсатимиз ва халқаро алоқалар учун кадрлаб тайёрлаб берувчи Ўзбекистон жаҳон иқтисодиёти ва дипломатия университети бор.

Биз, биринчи навбатда, мана шу университетнинг салоҳиятини юксалтириш йўлидан боришимиз керак.

Яхши кўринган ҳар қандай хўрак ҳам қопқонсиз эмаслигини эсдан чиқармайлик.

Сардор Азим
Eltuz.com

Тағин ўқинг
20 сентябр 2019
Ўзбекистон ҳукумати Тошкент шаҳридаги давлатга тегишли йўловчи ташиш транспорти ташкилотларининг кўрган зарарларини тўлаб бермоқда.  Хусусан, Вазирлар Маҳкамаси қарорига асосан, ...
22 апрел 2024
Элтуз портали №141: Сўнгги 5 та мактуб Ўзбекистоннинг Қашқадарё, Сурхондарё, Андижон ва Самарқанд вилоятларидан келган. Дастлабки шикоят Қашқадарёнинг Яккабоғ туманидан. Чиқиндиларни йўқ қилиш муаммоси: ...
8 сентябр 2021
Ҳар бир инсоннинг асосий вазифаси қалбидаги инсонийликни сақлай олишдир», деб ёзган эди ХХ аср бошларида ëзувчи Антон Чехов. Бугун, ...
1 декабр 2022
Дастлабки шикоят Қашқадарёдан: Бойқўрғоннинг омонат кўприги Қашқадарёдаги кўприк ибтидоий қурилишнинг ноёб намунаси каби сайёҳларни ўзига жалб қилиши мумкин. Аммо ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...