Асосий мавзулар
27 феврал 2019

«Браво»чилар тарафдоримасман, аммо цензурага қаршиман

«Ўзбекконцерт» «Браво» ва Ҳалиманинг лицензияларини бекор қилибди. Ҳечқиси йўқ, «Ўзбекконцерт»нинг 3-4 та тадбирида бепул қатнашиб беришса, секингина ҳеч кимга эълон қилмай қайтариб беришади. Бу майли, лекин «Ўзбекконцерт» кўпчиликдан лицензияни тортиб олганда «маънавий қадриятларга ёт бўлган хатти- харакатлари» деган ибора билан асослайди. Хўп, унда бу маънавият деганингиз қанақадир нормалаштирилган, стандартлаштирилганми ўзи? Нима зиду нима мослиги рўйхати борми? Агар лицензияни тортиб олишга келтирилаётган сабаб конкретланмаган бўлса, унда маънавиятга зид мезонни хоҳлаган нарсага ишлатиш мумкин.

Майли, тортиб олишди. Мен эмоционал тарафдан буни қўллаб-қувватлайман. Лекин бу цензура. Қип-қизил цензура. Энг ёмони, мана шундай қўрқинчли ибораларни келтириб, лицензияси олинаётган артистларга бир-икки ойдан сўнг «маънавиятимизга зид бўлган палончига лицензия қайтарилди», дейилмайди. Бу эса иккиюзламачилик. Ҳаммага реклама қилиб олиб ташлаб, қайта секингина бериш шунчаки иккиюзламачилик.

Халқ шунақа концертларга тушяптими, кўряптими? Кўряпти. Бас қилинглар юксак маънавият деб бақиришни. Хафа бўлманглар, мана бизнинг маънавият, менталитет. Мана, браво. Биз ўзимиз ўйлагандек пок-покиза бўлганимизда ўша концертга ҳеч ким тушмасди. Ва етар ҳаммани бир хил маънавиятга тиқиш. Ҳамманинг ўз маънавияти бор. У умумий бўла олмайди. У фикция. Йўқ нарса. Минг кишидан сўранг маънавият нима деб, минг хил жавоб оласиз. Шундай экан, бу фақат индивидуаллик. Қачон қутуламиз бу пуфак, примитив ва кулгули идеологиядан?!

PS. «Браво»чилар тарафдори эмасман. Мен учун бу паст сорт юмор. Мен кўрмайман ҳам, куймайман ҳам. Лекин цензурага ҳам қаршиман.

Нозим Сафаров
блогер-шоумен

Тағин ўқинг
3 август 2020
Ўзбекистоннинг жамоатчилик билан алоқалар бўйича янги кампанияси диққат маркази мамлакатнинг пахтачилик саноатини халқаро бойкот қилишга қарши курашишга қаратилган, дея ...
2 октябр 2017
Ўтган ҳафта охирида Рус патриархи Кириллнинг Ўзбекистон бўйлаб сафари бошланди, шунингдек Тошкентда Россиянинг янги ароқ заводи қурилиши ҳақидаги хабарлар ...
17 июн 2020
Андижон вилоятининг Олтинкўл тумани турғуни 40 яшар Сайдулло Сўфиев ИИБнинг икки ходими 16 июнь куни қўлини қайириб, машинага босиб, ...
6 март 2017
Амакиси президент бўлган Ўзбекистондаги тузумнинг танқидчисига айлангани ортидан 2006 йил кузида руҳий касаллар шифохонасида банди этилган жиззахлик журналист Жамшид ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...