Кўзқараш
1 апрел 2019

Тақиқларни ёқлайдиган авлод етишмоқдами?

Тошкентда 23-26-март кунлари мактаб ўқувчилари иштирокида ўтган “Қизларжон” саммити иштирокчилари “ота-оналарни узоқ муддатга чет мамлакатларга ишлаш учун чиқишларини чеклаш бўйича қонун қабул қилиш бўйича” Олий Мажлис депутатларига мурожаат йўллади.

Бу таклиф ижтимоий медиа қатлами баҳсларига сабаб бўлди. Жумладан, бу ҳақда ўзбекистонлик блогер Шахноза ўз саҳифасида қуйидагиларни ёзди:

“Йўқ, мен у таклифни киритган қизалоқни қораламайман. У ўзи тўғри деб ишонган фикрини очиқ айтди. Бунга ҳаққи бор ва буни тақиқлаб бўлмайди. Қолаверса, воқеага тезкор изоҳ берилди ва мавзуни ёпса ҳам бўлади.

Аммо бошқа дард бор.

Тақиқларни истайдиган, ёқлайдиган, илгари сурадиган ёш авлод етишиб келяпти назаримда. Чунки улар тақиқлар ичида ўсишган. Улар тақиқдан бошқа самаралироқ усулларни кам кўришган.

Тақиқлар эса фақат онглилик, тарбия ва ички маданият билан уйғунлашганда самара беради. Шунингдек, нон ейишни тақиқлаб бўлмайди-да ))).

Биз буни тушунмадикми ё тушунтиролмадик? Лекин мен шу қиз каби ўйловчи ёшлар кўплигини биламан: кўряпман, кузатяпман.

Бу биз учун жиддий сигнал бўлиши керак.

“Биттагина ўсмир айтган гап – истисно ҳолат”, демоқчимисиз?

Тунги клубларга тақиқ, кечқурун 11 дан кейин кўчада юришга тақиқ, либосга тақиқ, шахсларга тақиқ (қора ва хира рўйхатлар)… Шунча тақиқлар ичида янграган бу таклифни тасодиф ҳам, истисно ҳам деб бўлмайди-да.

Келинг, тақиқлашни тақиқлайлик. Яна бошқалар учун қандай яшашни ҳал қилишга, инсон ҳуқуқларига зид қонунлар чиқаришни сўрашга, маддоҳликка, коррупцияга, кўзбўямачилик ва хўжакўрсинларга, популизмга, ҳисобот учун ишлашга ва шу каби яна кўплаб ҳоказоларга тақиқ қўяйлик.

Кеча эълон қилинган халқаро рейтинглардаги позицияларимизни кўриб ҳали қанча иш қилишимиз кераклигини ўйладим (агар тақиқлар бўйича рейтинг тузилса, юқори ўринлардан бирини эгаллардик балки:confused:).

Биз табиий бойликлари кўп, бензин арзон, аммо инсон тараққиёти, сўз эркинлиги суст, коррупция юқори даражадаги бир давлат эканмиз.

Фикримча, тақиқларни кўп қўллаб, уларни суиистеъмол қилиб юбораётганимиз ҳам бугунги аҳволимизнинг сабаблардан бири.

Бир фильм кўргандим: қайнона келинга идиш ювмагани учун дакки бераверади. Шунда келин ҳамма идишларни шарт синдириб, ана энди муаммо йўқ, деб ўйлайди. Кейин эса сув ичишга пиёла тополмай қолади :wink:
@shahnozxon.

Эслатиб ўтамиз, республика умумтаълим мактаблари ўқувчиларининг Тошкентда ўтган “Қизларжон” саммити Ўзбекистон Хотин-қизлар қўмитаси ташаббуси билан ташкиллаштирилган эди.

Eltuz.com

Тағин ўқинг
17 сентябр 2016
Шавкат Мирзиёев муваққат президентликка тайинланиши ортидан криминал доиралар тағин ҳокимиятга қайтиб кела бошлашди. Ҳукуматдаги бир қанча мулозимлар ишдан бўшатилди, ...
11 август 2018
Ўзбек турмасида энг узоқ қолган журналист Муҳаммад Бекжон китобининг навбатдаги бобида Жаслиқ колониясидаги ҳар шанба ўтказиладиган ҳаммом куни, маҳбусларни ...
21 май 2018
Президент Мирзиёев 19-20 май кунлари Андижонда ўтган йиғилишда ДХХ ходимларига уй қуриш ва маошини кўтаришга ваъда берди. “Ҳозир қўл ...
28 ноябр 2018
Таниқли ўзбек хонандаси Севара Назархонни маҳаллий ТВда ва бошқа жойларда намойиш этилаётган реклама роликларида кўп учратиш мумкин. Унинг ҳамма ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...