Кўзқараш
1 август 2019

Ўзбекистон давлати учун катта айб, Уйғур қардошларимиз бизни кечиришсин!

Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат қаторига қўшилди. Адолатдан, ўз қардоши- қариндоши ёнида эмас, бир золим , зулм машинаси сафида ерини олди.

Куни кеча Бирлашган Миллатлар Ташкилоти Инсон Ҳуқуқлари Комиссиясида 22 давлатнинг элчилари Хитой ҳукуматига чақириқ билан чиқиб Уйғур Туркларига ва Хитойдаги мусулмон халқларига бўлаётган зулмни, инсон ҳуқуқлари бузилишларини қоралаб расмий бир мурожатнома қабул қилган эдилар.

Мурожатномада Хитой ҳукуматини инсон ҳуқуқлари борасидаги халқаро нормаларга , шартномаларга амал қилишга дават қилиб, зудлик билан уйғурларга бўлаётган босимни тўхтатишга, “қайта тарбиялаш” лагерларида асирликда ушлаб турилган 2 миллиёнга яқин уйғур қардошларимизни озод қилишга чақирдилар.

Афсуски Хитой сиёсатини қаттиқ танқид остига олган бу мурожатномага қўл қўйган 22 ғарб давлатлари элчилари орасида бирорта мусулмон давлат элчиси йўқ.

На ўзини “уммат лидери” мақомида кўрадиган Эрдўғон Туркияси, нада ўзимизнинг аҳолиси мусулмон ва уйғурларга қондош бўлган “истон” ларимиз, нада дунёнинг бошқа мусулмон давлатлари бу мурожатномага қўшилишмади.

Ҳолбуки бугун дунёда мусулмон миллатлари орасида энг кўп зулм кўраётган Шарқий Туркистонлик Уйғур қардошлримиздир. Ҳолбуки бугун дунё миллатлари орасида энг кўп зулм кўраётган, миллат сифатида йўқ бўлиш арафасида турган Уйғур қардошлримиздир. Бу зулмни на Фаластин билан ва на дунёнинг бошқа ўлкаларидаги ҳодисалар билан қиёслаб бўлади.

Ислом иттифоқи, қардошлиги деган сафсатани, бу Ислом давлатлари тимсолида кўриб турибмиз афсуски. Бизнинг “қоракалар” , деспотлар, севмайдиган, мавриди келса сўкиб, лекин яшаш учун ҳуржунлари тайёр демократик европа давлатлари уйғурнинг дардига, кўз ёшига ҳамдард бўлаяпти. Бу аянчли уят бизга, умматга ва Турк дунёсига етиб ортади.

(Суратда: Тармоқда бошланган «#MenUygurman» ўзбеклар акцияси банери)

Баходир Файз
АҚШ Питтсбург шаҳри

Тағин ўқинг
3 июн 2020
Ўтган йилнинг январида ЖССТ (Жаҳон соғлиқни сақлаш ташкилоти) Пекиннинг коронавирус тарқалишига бўлган тезкор муносабатини олқишлаётган пайтда Хитой расмийларининг хатти-ҳаракатлари ...
26 декабр 2017
26 декабрь куни маҳкум журналист Бобомурод Абдуллаев билан учрашган адвокат Сергей Майоров Абдуллаев унинг ҳимоясидан воз кечганини «Элтуз» мухбирига ...
30 апрел 2018
Швеция пойтахти Cтокҳолм шаҳрининг шимолида жойлашган Акалла мавзеида 30 апрель куни террор акти режалаганликда гумон қилинган уч тошкентлик ва ...
27 сентябр 2021
Бугун Рауф Парфи номи эсланаркан, унинг асл шогирдлари билан бир қаторда устознинг номига суйканиб, «бир нарсалик» бўлиб қолиш илинжидаги ...
Блоглар
22 октябр 2021
Ўғил неварасини қўрқитиб, мунтазам зўрлаган тошкентлик амаки ҳақида видео тарқалди. Бу амаки «ножўя жинсий ҳаракат ...
18 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 36-қисм. Аудиокитоб матнини муаллифнинг ўзи ўқиган. Давоми ...
14 октябр 2021
Дастлаб большевиклар Ёш бухороликлар, жадидларнинг коммунистик партияга қўшилган аъзоларидан иборат Бухоро Халқ Совет Республикасини туздилар.  ...