Асосий мавзулар
13 феврал 2020

Энг хавфли хоинларни ватан ичидан изланг!

Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти

Бу айблов қанчалик тўғри эканини суд ҳал қилади. Зеро, демократия истовчилар айбсизлик презумпциясини ҳаммадан кўпроқ ҳурмат қилиши керак.

Лекин унинг хоинлик қилганига ишониш ҳиссиёти устун келмоқда. Чунки диктаторнинг мурувватига эришиш учун халқ манфаатини сотган одамнинг тоза бўлишига ишониш қийин.

Кечагина мухолифат вакилларини ёмонлаб чиққан, юртдан қочгандан кўра қамоқда ўтирганинг афзал эди, деган гапларни ёзган журналист, айни пайтда парламент депутати Сафар Остоновга ишонч йўқ.

Чунки у ҳам ўз манфаати йўлида диктатор Ислом Каримовнинг содиқ қулига айланганди. Бу қуллик нусрати уни бугун ҳам тарк этмагани ёзган мақоласидан маълум.

Сафар Остонов майда одам. Аммо у эртага катта хоинликка йўл очадиган майда гумашталарнинг бир типик вакили. Шундан ҳушёр бўлиш керак. 

Агар Мирзиёев ўзи эълон қилган юртни фаровон этиш, халқнинг фикрини эшитиш, эркин матбуотга йўл бериш сиёсатига содиқ бўлса, демак Сафар Остонов унинг энг катта душманидир.

Зеро, амалдаги президент марҳум диктатор юритган сиёсат халқ манфаатига, юрт манфаатига қанчалик зид бўлганини бугун ҳар икки гапнинг бирида очиқ айтмаса-да, қистириб ўтяпти. 

Бугун Мирзиёев амалга ошираётган ишлар кимгадир кичик кўринса-да, халқи узоқ йиллар кун кўрмаган Ўзбекистондек мамлакат учун жуда катта қадамлардир.

Устози ҳаққи-ҳурмати, очиқчасига унинг руҳини безовта қилмаяпти. Лекин қилаётган ишлари устозиникидан ижобий жиҳатдан фарқ қилади. 

Сафар Остонов марҳум “пайғамбари”нинг йўлини очиқчасига қўллаб-қувватлаш орқали амалдаги давлат раҳбарининг сиёсатига, демакки, у эълон қилган ҳурлик йўлига хиёнат этмоқда. 

У аввалги диктаторга қўйган пахталарини бугун ҳам бир этак қилиб, қаерларгадир босиш илинжида. 

Яна ўз манфаати учун бугун эълон қилинган сиёсатни, агар у самимий бўлса, саботаж қилиш йўлидан бормоқда. Чунки ёзганларидан яқин ўтмиш сиёсатининг қўлансаси келади. 

Ташқи душман кўриниб туради. Унинг кимлигини билиб турасиз, шунга яраша чора кўрасиз. 

Энг катта душманингиз ички душманингиздир. Чунки унинг асли қандайлигини билиш қийин, зеро, у сизнинг ишончингизда. Шунинг учун айтганларига ишонишингиз ва йўлдан адашишингиз мумкин. 

Бир ҳикмат бор: Ҳукмрон доира атрофида ликиллаб, маддоҳлик қилаётганлардан эҳтиёт бўлинг. Зеро, улар халқ манфаатини эмас, ўз манфаатини ўйладиган амалдорларнинг кирдикорларини яшириш мақсадида халқнинг фикрини чалғитади. 

Халқ манфаатини ўйлашга бел боғлаган виждонли мулозимларни эса ўз йўлидан адаштиради. 

Eltuz.com

Тағин ўқинг
15 октябр 2019
Элтуз нашри “Ёзарнинг саси” рукнида ўзбекистонлик таниқли шоира Гулчеҳра Нуруллаева фикрларини эътиборингизга тақдим этади: “Горбачёвнинг ошкоралик сиёсати барчамизнинг кўзимизни ...
15 апрел 2016
Мақолада ёзилишича, хитойлик журналистлар “Фарғона шаҳрининг қиёфаси, ям-яшил майдонлар, каштанлар хиёбони, янги бунёд этилган иншоотлар, сув спорти саройини кўриб, ...
28 сентябр 2018
Ҳукуматнинг янги қарорига кўра, Ўзбекистонда 2019 йилнинг 1 июлидан йўл ҳаракати қоидаси бузилгани тўғрисида маълумот юборган шахслар мукофотланади. Адлия ...
26 март 2020
Ўзбекистонда 1995 йилнинг мартида президент ваколатини узайтириш учун референдум ўтказилган эди. Ислом Каримовнинг президентлик ваколатини 2000 йилга қадар узайтирган ...
Блоглар
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...