Кўзқараш
11 апрел 2020

Миллатни севишни яҳудийлардан ўрганайлик

Демократия ҳоким бўлган давлатларда ирқчилик ва антисемитизм (яҳудийларни ёмон кўриш) қаттиқ қораланади. Қора танлини “негр”, лотинамерикаликни “латинос”, яҳудийни “лаънати яҳуд” деган одам қамалиши мумкин.

Лекин аксар мусулмонларда, шу қаторда ўзбекларда ҳам антисемитизм ўта кучли. Ёшлигимиздан бувиларимиз жуҳутларнинг қабри йўқ, улар ўликларини қайнатиб ейишади, деб чўпчакларни қулоғимизга қуйиб ташлашади. Гарчи исломда миллатчилик қораланса-да, масжидларда яҳудийлар лаънатланиб дуо қилинади. Тошкентда ишлайдиган бир юрист ҳам яҳудийларни сўкиб ёзаётганига гувоҳ бўлдим.

Яҳудийлар азалдан иноқ халқ, савдо-сотиқни яхши билгани учун доимо бой бўлишган.

Яҳудийларни ёмон кўришга, асосан, Фаластиндаги урушлар туртки бўлган. Яҳудийни лаънатлайдиган ўзбек фаластинликларнинг тарафини олиб дуо қилади. Лекин кўпчилик билмайдики, яҳудийлар бугунги Исроилда азалдан яшаб келишган. Исроил қурилишидан аввал ўша фаластинликларнинг ўзлари Усмонли халифалигига қарши курашган. Халифалик йўқ бўлгандан кейин эса ўша ерларга кўчиб келган яҳудийларга ўз уйларини сотишган яхшигина пулга. Миллионлаб фаластинлик ўз уйини сотган.

Насронийликда ҳам яҳудийлар севилмаган, лаънатланган миллат сифатида кўрилган. Насроний Гитлер ҳам шу сабабдан яҳудийларни қириб ташлаган.

Бугунги кунда яҳудийлар мусулмонларга душман эмас. Уларнинг фаластинликлар ва араблар билан душманчилиги диний эмас, балки миллий душманчиликдир.

Яҳудийлар Туркистон мухторияти қурилишида ҳам жонбозлик кўрсатишган. Кўпгина пул эҳсон қилишган.

Биз ўзбекларда яҳудийларни ёмон кўришга асос йўқ, улар Марказий Осиëда кўп йиллар яшаган, ўзбек маданиятига ҳисса қўшишган. Ўзбек шашмақомини дунёга ёйиб юрганлар ҳам Бухоро яҳудийларидир.

Ер сайёраси битта, истаймизми-йўқми, биз бошқалар, хусусан, яҳудийлар билан ҳам дўст бўлиб яшашимиз керак, улардан ривожланиш, технология, иноқлик, бир-бирини қўллаш ва, энг муҳими, миллатни севиш борасида ўрнак олсак арзийди.

Мақола муаллифи Баҳром Раҳмон 25 ëшда. Қирғизистоннинг Ўш шаҳрида туғилган. Диний ва этник мавзулардаги долзарб мақолалар муаллифи.

Eltuz.com

Тағин ўқинг
10 март 2020
Рассом Кирпи Eltuz.com
30 январ 2017
Андижон вилоят ҳокимлиги қарорига кўра, 1 февралдан бошлаб шаҳарда “Дамас” русумидаги автомашиналар йўловчи ташиш фаолияти билан шуғулланмайди. Вилоят ҳокими ...
2 апрел 2016
Эндиликда Ўзбекистонда айғоқчилик қилиш учун СНБа ёлланиш шартмас, аҳоли кўп тўпланган жойларда бирор одамнинг давлатга қаршилигидан гумонингиз бўлса кифоя. ...
22 июн 2020
1989 йилнинг май-июнь ойларида Ўзбекистоннинг Фарғона вилоятидаги маҳаллий ўзбеклар билан юз берган этник тўқнашувлар давомида месхети туркларининг уйлари вайрон ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...