Асосий мавзулар
22 феврал 2022

Майда ўғрилар қурбонликка, наҳанглар эса…

Ўзбек амалдорлари ва оилаларининг ўғриликларини кўриб, ҳайратланмай қўйганман. Лекин, ҳар сафар бундай янгиликка бир жирканч, бадбўй кайфият ҳамроҳлик қилади. Бу шунчалик клише, оддий ўғриликки, унда на оригиналлик, ё на бир ақлий энергия бор. Қариндошинг номига фирма оч, давлат пулини ўтказ, офшор орқали Швейцариядаги ҳисоб рақамига тўпла. Бунда банк деворини тунда дрель билан тешиб киришдек ва хавфсизлик камераларини ўчиришдек стратегик ақл ва жасорат талаб қилинмайди. Бари анча оддий.

Ғарб ҳам баланд минорасидан туриб аҳлоққа чақира олмайди, чунки ўзи аҳлоқсиз – ўзи шу аҳлоқсизликка шароит яратиб беради ва ҳатто рағбатлантиради. Бу банклар, офшор рақамлар, мол-мулклар Ғарбнинг схемаси. Бир неча йил олдин ўшанда Британия бош вазири бўлган Дейвид Камерон қиролича билан ўзаро суҳбатида Афғонистонни «фантастик даражада коррупциялашган» дея тасвирлаётгани камерага тушиб қолганди. Лавозимидан кетгач, ўзининг ҳам солиқдан қочиш учун очган офшор ҳисоблари фош бўлди. Камероннинг фантастиклиги пандемияда ҳам билинди – у ўзи ишга кирган компанияга лоббичилик қилиб қўлга тушди.
Булар ғарбда шундай танга талашаётганда, Шарқдан нимани кутасан? Бари бир гўр аслида. Фақат бу томонларда халққа осонроқ, ойликка яшай олади, шукур.

Шунчаки ҳафсалам пир. Майда-майда ўғричалар қурбон келтирилаверади, наҳанглар эса… Президент буларни билмайди деганларга кулгим келади. Унинг ўзи «ер тагида илон қимирласа биламан» деганди. Президент ўғрилик қил демаса керак, лекин, фикримча, унинг қўллари ҳам боғлиқ. Унга ҳам содиқ иттифоқчилар керак. Афсуски, биз яшаётган дунё шундай.

Ибрат Сафо,

Би Би Си журналисти

Тағин ўқинг
24 октябр 2019
Буюк Британияда ҳуқуқ ҳимоячилари-ҳуқуқшунослар жамоаси ўзбек пахтасига имтиёзли тарифлар қўлланишини қайта кўриб чиқиш талаби билан судга мурожаат этди.  Уларнинг ...
19 январ 2022
(Рассом Туз ҳикоялари. Давоми. Боши ўткан сонда) «Тармоқдан узилган эски уй телефони қандай жиринглайди? Менга шундай туюлган бўлса керак. ...
14 феврал 2019
Ўзбекистоннинг биринчи президенти марҳум Ислом Каримовнинг тўнғич қизи Гулнора Каримованинг ўғли Ислом Каримов Instagram саҳифасида онасига босим ўтказилаётгани, шифокорлар ...
15 октябр 2015
Бундан бир қанча муддат аввал Фарғона вилоятига бош вазир келиши муносабати билан пахта далаларида терилган пахта қайта чаноқларга ёпиштириб ...
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...