Асосий мавзулар
26 феврал 2022

Нега ўзбеклар Путинни севади?

Нега ўзбеклар Путинни севади? Бу саволга нормал мантиқ булан жавоб бериш қийин. Ҳозиргина тақирбошлар калтаклаган, ҳўрлаган ўзбек ўша золимга таъзим қилади. Украинларни миллатчи дейди. Ўзи ҳаётида эшитмаган, кўрмаган Бандерани ҳоин дейди. Диндори ҳам путинпараст, динсизи ҳам.

Совет Иттифоқи тугаб, мустақил бўлганимизга 30 йилдан ошди, лекин ҳали ҳам бу империясини қайта тикламоқчи бўлган фашист Путинни олқишлайди, телба маняк бир диктаторга сиғинади. Нега бу оламон ўз қотилига ошиқ? Мазлумнинг, заифнинг, кучсизларнинг тарафида туриш, виждонини йўқотмаган миллатларга ҳос фазилатдир.

Демократик жамиятлардагина инсоний, аҳлоқий фазилатлар сақланиб қолади. Биз эса хар доим кучнинг, кучлининг, қул эгасининг ёнида саф тортаяпмиз. Миллат бўла олмаяпмиз, бир «эга», бир ҳўжайинга боғлиқ бўлиш бизни мамнун этаяпти. Соҳибсиз қолмаслик учун доим ҳукмрон ахтарамиз. Озодликка интилшдан кўра, бошқаларнинг ҳам биздек асир бўлишини балки кўпроқ орзу этамиз. Путинпарастлик, юртбошипарастлик, диктатор севгиси, қулдорга суйкаланиш, манфаатларимизга уйғундек туюлади. Афсуски биз ўзбеклар яшин тезлигида кичик манфаатларнимизни қулига айланаяпмиз. Шараф, ғурур , виждон каби ҳислатлар ўрнинини майда манфаатларга бўшатиб бераябди ўзбек жамиятида.

Менимча бу жараён ҳақиқий маънода ҳур ва эркин миллат бўла олгунимизча давом этади. Фақатгина ҳур миллатлар ҳуррият дастакчиси бўла оладилар.

Яшасин ҳур ва қаҳрамон Украин миллати!

Баходир Файз

Публицист, АҚШ

Тағин ўқинг
12 апрел 2023
Шу кунларда тармоқда очиқланган бир қанча ҳужжатлар Ўзбекистон маданият ва туризм вазири Озодбек Назарбеков шахсининг манфаатлар тўқнашуви остида қолаётганини, ...
13 сентябр 2022
10 сентябр куни «Илхом» театрида премьераси кутилган «Ер остидаги қизлар» спектаклини бекор қилишга уринишларга чек қўйилди.Бу сафар Ўзбекистондаги толибпараст ...
9 май 2019
“Ишдаги ишқ”, “Иван Васильевич касбини ўзгартиради”, “Санников ери” каби киноларни ўзбек тилида гапиртирган дубляж режиссёри Мирғиёс Соатов 9 май ...
22 сентябр 2018
Фарғона нефтни қайта ишлаш заводи собиқ директори Журъат Мелиқуловга жиддий тан жароҳатлари етказганлар устидан тергов якунланиб жиноят иши судга ...
Блоглар
10 август 2024
Ўзбекистонда бир арвоҳ кезиб юрибди. Бу Каримов арвоҳи. Ўзбекистон Каримов давридаги паранояга қайтиб матбуотдаги «арвох» ...
8 август 2024
«Арабистон тупроғида бола туғиш» мақсадидаги хотинлар ва уларни етаклаб кетаётган эркаклар. Арабистонда ўқилган шаърий никоҳга ...
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...