Толиблардан қўрққан Каримов Афғонистон чегарасидаги Термизга келмоқдами?

Бугун Термиз шаҳрида соат 10-30 атрофида, вахима Президент Ислом Каримов келяпди деб, толиблардан қўрққан ИИБ ходимлари бутун Термиз шаҳрини йўлларини «Блокировать» қилиб, катта-катта машиналар билан йўлни тўсиб қўйишди.

Хозиргача очилгани йўқ. Шаҳарнинг асасан Ат-Термизий кўчаси ва қолган марказий йўлларда одамларни, хатто пиедаларни юришга қўйишмаяпди.

Тадбиркорларнинг дўконларини ва ресторан ҳамда ошхоналарни мижозларини кўчага хайдаб юбориб савдо-сотиқ қилишларига йўл қўйишмаяпди. Тушлик вақтига тайёрланган ош, сомса ва ҳакозаларни сота олмаяпдилар. Ошхона ва дўконлар ишчиларини ичкарига қамаб, эшикни олдида ИИБ ходимлари туриб олиб хатто ҳожатга чиқишга рухсат беришмаяпди. Тадбиркорлар қачон чиқамиз дейишса, соат 18-00 ларда қўйиб юборамиз дейишмоқда.

Кўчада ҳатто қуш хам учмаяпди. Дуконларни ва ошхона шитларидан тортиб тандир ўчоқларигача, ариқлар, кўприкчаларнинг тагигача ИИБ ходимлари ниманидир ахтариб юришибди.

Термизлик блоггер,
www.eltuz.com