Кундалик
2 апрел 2016

Таълим вазирлигидаги коррупционерлар битта дафтардан қанча фойда қилишади?

Фақат эътибор бериб, Халқ таълими вазирлигининг 2016-2017 ўқув йилида 1-синфга қабул қилинадиган ўқувчилар ва касаллиги туфайли якка тартибда уйда таълим олаётган болалар учун ўқув қуроллари харид қилиш учун очиқ тендер савдолари ўтказилиши тўғрисидаги эълонини ўқиганингиздан кейин кўнглингиз бир нарсани сезгандек бўлади.

Эътиборингизни 12 варақли оддий дафтар учун белгиланган нарх тортиши мумкин. Чунки агар бошланғич синфга борадиган фарзандингиз учун бундай дафтарни оддий канцелярия дўконидан донабай, яъни чакана нархда 250 сўмдан харид қилаётганингиз (бунда нақд ёки пластик карточкадан тўлашингиз мумкин) эсга тушади-ю, кейин вазирлик қарийб 8 миллион дафтар учун энг юқори харид нархи сифатида нега 350 сўм белгилади экан, деб ўйланиб қоласиз.

Чунки бунча дафтар харид қилаётганда нарх яна анчагина пасайиши, масалан, 200 сўмга тушишини савдогарлар яхши билади. Ўша улгуржи сотаётганлар ҳам қўшимча қиймат солиғи, жой пули, даромад солиғи ва ҳоказоларни қўшиб шунча нарх белгилайди.

Албатта, вазирлик дафтарни 200 сўмдан ҳам сотиб олиши мумкин. Лекин энг юқори нарх 350 сўм белгилангани, бу эса коррупция учун кенг майдон эканини тушунадиган одамга бу ерда 10 сўм ҳам миллионлар учун замин яратишини англаб етганидан кейин, хоҳлайсизми-йўқми, орада миллионлаб сўм ўйнаяпти, деб фикр юритишига асос бўлади.

Дейлик, вазирлик 7 862 058 та дафтар учун 350 сўмдан максимум 2 миллиард 751 миллион сўмдан ортиқ маблағни мўлжаллаяпти. Бозордаги нархини тахминан 200 сўм деб ҳисоблаган тақдиримизда ҳам бунча дафтар 1,5 миллиард сўмдан сал ошади. Агар тўғридан-тўғри ишлаб чиқарувчининг ўзидан оладиган тақдирда бу нарх анча арзонлашиши мумкин.

Биз бу рақамларни оддий харидор сифатида ҳисоб-китоб қилдик. Шунда ҳам орада миллиард сўмдан ортиқ маблағ «ўйнаяпти». Агар унинг ёнига вазирлик сотиб олмоқчи бўлган миллионлаб акварель, пластилин, рангли қалам, пенал, расм дафтари, рангли қоғоз тўплами, шарикли ручка, елим, сумкаларни ҳам қўшсангиз (албатта, бозордагидан анча баланд нархда), орада миллионлаб сўм пул кимларнингдир чўнтагидан жой олади, деган тўхтамга келасиз.

Eltuz.com

Тағин ўқинг
18 май 2017
Шаҳрихон туманида юз берган оммавий заҳарланиш музқаймоқ бизнесига сезиларли таъсир кўрсатди. Андижон шаҳридаги ўнлаб музқаймоқ дўконларида савдо 30 % ...
6 март 2016
5 март куни Грозный шаҳридаги «Сафия» тантаналар уйида Ўзбекистон халқ артисти Юлдуз Усмонова Рамзан Қодировга қараб «Хеч кимга бермайман…» ...
25 июн 2020
Фарғона вилоятининг Бувайда ва Учкўприк туманларида ипак қурти боққан кам таъминланган оилалар Меҳнат вазирлиги ва “Ўзбекипаксаноат” уюшмаси томонидан ваъда ...
8 сентябр 2015
Бугун немислар очиқ қалблар билан қочқинларни кутиб олишмоқда. “Берлинда мен Refugers welcome – Қочқинлар хуш келибсиз! деган шиорларни кўраман. ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...