Кундалик
10 ноябр 2015

Ковушини тўғрилаб қўйган бўлишарди…

Акмал Набиев
Eltuz.com

Қиш мавсуми яқинлашгани сабаб кейинги пайтларда ўзбеклар муҳокама қилаётган асосий мавзулардан бири уйни иситиш, қандай қилиб қишдан совуқ қотмай чиқиш бўлиб қолди.

Жуда кўп юртдошларимиз муқобил иситиш қурилмалари сифатида ўз тажрибалари билан ўртоқлашмоқда. Жиддий суҳбатлар бўлмоқда…

Тўғрисини айтсам ачиниб кетаяпман, зиёли инсонлар муаммо ечими қолиб бошқа нарсалар билан ўз вақтларини беҳуда йўқотаётганига ва юртдошларимизни чалғитаётганига.

Биласизларми, шундай муаммолар бошқа давлатларда бўлганида асосий муҳокама қилинадиган нарса муқобил иситиш мосламалари эмас, балки, аҳолини иссиқлик билан таъминлай олмаётган ҳукумат раҳбарларининг фаолияти бўларди.

Наҳотки юртдошларимизга муқобил вариантларни таклиф қилаётганлар фикр қилмайдилар-ки Ўзбекистон етарлигидан ортиқча даражада газ заҳираларига эга ва ўз аҳолисига раво кўрмаган газни хорижга сотиб юбораётганини? Нега халқни ўз ҳақларини талаб қилишга чақириш ўрнига қаердаги иккинчи, учинчи даражали нарсалар билан чалғитишади?

Бундан бир неча йиллар аввал бизга қўшни қишлоқда ҳоким яшарди. Қишлоқ йўллари совет давридан буён асфальт кўрмагани натижасида дабдаласи чиқиб кетган эди.

Бир сафар ўша қишлоққа йўлим тушиб қолди, кўчанинг ўртасидан худди пояндоз тўшалгандек бир машина сиғадиган қилиб асфальт босилибди.

Асфальт йўлдан бироз юргандим асосий кўча қолиб советлар даврида ҳам асфальт кўрмаган дала йўлига бурилди.

Мен ҳам қизиқиш устунлик қилиб ўша кўчага бурилдим. Қаранг, шу кетишда кўча ярмида ҳоким солган кошона уй олдигача бордим, ундан кейин яна одатдагидек тупроқ йўл.

Нега айтаяпман бу воқеани? Тасаввур қилинг шу воқеа юртимизда эмас, Ғарбни қўйиб туринг, Россияда ёки Қозоғистонда бўлганида халқ ўша ҳокимни ўз ҳолига қўйиб қўярмиди?

Йўқ! Бундай ҳокимнинг дарров ковушини тўғрилаб қўйган бўлишарди…

Тағин ўқинг
30 октябр 2017
Марҳум президент Ислом Каримов замонида жиноий жавобгарликка тортилган жуда кўп амалдорлар амалдаги давлат раҳбари даврига келиб юксак лавозимларга тайинланмоқда. ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди”, дея ёзди ...
19 январ 2016
Чойхона оши Майхона оши Тўйхона оши Наҳор оши Таъзия оши Пайшанбаю якшанба оши Шундай ўтар рўзу рўзгорим Нарироқда ҳўв ...
17 март 2016
Хусусан, “Ўзбекистон овози” газетаси азалдан қишлоқ ва маҳаллаларда шаклланган ҳашар эндиликда мамлакат миқёсига чиққани, бўлиб ўтган ҳашарда 18 миллиондан ...
Блоглар
23 сентябр 2020
Шуҳрат Қаюмов мен таниган, мен мулоқотда бўлган санъаткорларнинг энг яхшиси, маданиятлиси эди. У киши билан ...
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, ...
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...