Энди ҳокимлик ҳам битирувчига «иш топиб беради»

Газетанинг ёзишича, бу йилдан бошлаб коллеж битирувчиси билан тўрт томонлама шартнома тузиш тартиби жорий этилган. Энди шаҳар, туман ҳокимликлари ҳам битирувчини ишга жойлаштириш тўғрисидаги шартнома субъектларидан бири сифатида унга имзо чекади.

Илгари «битирувчи-коллеж-иш берувчи» тартибида уч томонлама шартнома тузиларди ва аслида битирувчи иш билан таъминланмаса ҳам шундай битта қоғозни олиб бориб, «иш билан таъминланган» бўлиб қолаверарди. Шу орқали Ўзбекистонда ҳай-ҳай демаса коллеж битирувчиларининг ҳаммаси ишли экани тўғрисидаги ҳисоботлар берилар, лекин унга биров ишонмасди.

Энди бу ёлғонга ҳокимлик ҳам жўр бўладиганга ўхшайди. Чунки иш бўлмаса, ҳокимлик битирувчини қаерга жойлаштиради? Шартномадаги имзо кўпайгани билан иш жойи кўпаймаётганини «юқори»га қандай айтсин!? Ундан кўра ҳисобот учун шартномага имзо қўйилса, ҳам бош тинч, ҳам «юқори» хурсанд!

Eltuz.com